回到味來 (已結業)

今日收工同同事一行六人去左食$248海鮮火鍋半放題套餐，除雞煲火鍋外，仲有串燒任食，台式飲品任飲，至於火鍋配料及罐裝飲品可以到外面自取， 認真抵食。先黎雞煲，有招牌惡魔雞煲、黃燘雞煲或卜卜蜆三款選擇，我們選了招牌惡魔雞煲，少辣。雞煲一上檯，好香，雞的份量唔少，食落去雞肉亦好嫩滑，醬汁唔會太咸，辣得黎帶少少甜，味道剛剛好，好好味，而且越食越惹味!至於湯底，有黃金南瓜海蜆湯、蕃茄濃湯、四川麻辣湯、芫茜皮蛋湯和自家清湯五款選擇，我們選了芫茜皮蛋湯。水滾後，芫茜香味完全散發出來，仲有粒粒皮蛋碎，正！套餐附送一份本地手切牛頸脊，牛頸脊雪花分佈都好均勻，好靚，而且有足夠厚度，食落牛味濃郁，正！配埋外面火鍋配料自取區有大量蔬菜可以選擇，就唔怕有肉無菜。而海鮮串燒、串燒任食的選擇亦不少，有燒生蠔、燒扇貝、燒帆立貝等，寫紙就可以，而且即叫即燒，熱辣辣，最特別係燒生蠔用左大量蒜蓉跟孜然粉作調味，烤得剛剛好，味道很吸引。