影片
更多
2009-12-20
22 瀏覽
19-12-2009朋友忙得連 weekend 都要開足全日工, dinner 又到灣仔陪佢食, 今次試試呢間較新的越南店. 叫了二人餐 ($98), 一人有一碗粉/一碟飯, 又有小食雙併 (炸蝦餅/炸春卷/蒸粉包 3 揀 2) share, 當然亦跟飲品兩杯:小食揀了炸蝦餅及春卷, 每樣各 2 件: 前者炸得熱辣脆口, 唔油膩, 食落彈牙鬆泡又幾鮮美, 蘸點酸酸甜甜, 又甜多過酸的泰式雞醬, 當然好食 春卷就較失色, 雖然一樣唔油膩, 但層皮實在韌了 d, 以豬肉為主的餡料又較乾硬, 蘸了不錯的魚露, 都於事無補...主食係生牛河, 另上青檸, 大量芽菜, 辣椒及九層塔, 湯粉內仲有洋蔥, 芫茜, 鵝蒂 etc, 當然亦有幾生的牛肉:- 乜都唔落先飲啖湯, herbs 味清香, 牛味 ok, 不過好似唔多夠厚, 隔嚟街「越旺」(http://www.openrice.com/restaurant/commentdetail.htm?commentid=1904818) 好得多!- 河粉屬幼身嗰隻, 米香唔覺, 但薄薄滑滑, 還不錯.- 牛肉: 粉紅色的, 幾夠生, 肉味一般
朋友忙得連 weekend 都要開足全日工, dinner 又到灣仔陪佢食, 今次試試呢間較新的越南店. 叫了二人餐 ($98), 一人有一碗粉/一碟飯, 又有小食雙併 (炸蝦餅/炸春卷/蒸粉包 3 揀 2) share, 當然亦跟飲品兩杯:
小食揀了炸蝦餅及春卷, 每樣各 2 件: 前者炸得熱辣脆口, 唔油膩, 食落彈牙鬆泡又幾鮮美, 蘸點酸酸甜甜, 又甜多過酸的泰式雞醬, 當然好食 春卷就較失色, 雖然一樣唔油膩, 但層皮實在韌了 d, 以豬肉為主的餡料又較乾硬, 蘸了不錯的魚露, 都於事無補...
主食係生牛河, 另上青檸, 大量芽菜, 辣椒及九層塔, 湯粉內仲有洋蔥, 芫茜, 鵝蒂 etc, 當然亦有幾生的牛肉:
- 乜都唔落先飲啖湯, herbs 味清香, 牛味 ok, 不過好似唔多夠厚, 隔嚟街「越旺」(http://www.openrice.com/restaurant/commentdetail.htm?commentid=1904818) 好得多!
- 河粉屬幼身嗰隻, 米香唔覺, 但薄薄滑滑, 還不錯.
- 牛肉: 粉紅色的, 幾夠生, 肉味一般, 但食落好嫩, 比起好多地方的全熟牛肉, 佢算好唔錯了.
朋友食「炭燒香茅雞扒飯」: 食了點雞扒, 我嫌佢乾身了少少, 又唔多覺「香茅」味, 但算幾嫩腍, 而且食得出真係「炭」燒的, 幾認真, 還不錯的.
飲品揀了凍「越式滴滴咖啡」(加 $12): 夠香, 不過我覺得煉奶唔夠, 唔夠甜之餘仲幾係苦澀, 還是呢度的 (http://www.openrice.com/restaurant/commentdetail.htm?commentid=2048849) 較啱口味, 雖然好甜.
朋友飲椰青 (加 $12), 唔知甜唔甜?
星期六夜晚嚟到包場一樣, 靜靜的幾舒服, 近乎「1 對 1 」的招呼亦當然好好, 印象不錯的一間小店.
埋單每人約 $60, 灣仔區的越南店當然唔係佢最好啦 , 不過都值得試試的.
張貼
