Cafe Ceres (已結業)

同阿囡喺附近上完 playgroup 好多時會嚟食個lunch.這天同埋媽咪嚟。媽咪叫了 burger set lunch. 對食物冇乜要求的媽咪賺個 burger 又實又硬，只吃了個包同啲菜。望住塊食剩的 burger 在碟上有些滑稽。我點了帶子意大利飯。帶子大大隻，用大量牛油煎香，味道很好。可惜個飯比一般意大利飯硬，感覺像是在吃蒜頭暴暴飯焦。之後上奶茶。一set茶具隨托盤上。托盤上寫着如打爛要照價賠償。我又唔啱嘅，掛住同媽咪討論這警告，我—歲的囡一手拿起枱上的糖罌蓋，敲在枱上，崩了。Ceres 的員工很細心，立即過來問小朋友有沒有弄傷。我們亦道了歉表示會負責。大家相安無繼續飲茶。數分鐘後—名中年婦人(睇怕都係老板娘)站在我們對面，用很厭惡的眼神望住我地，再皺住眉頭行過嚟，"打爛嘢要陪喎。"最後埋單加咗$80糖罌蓋。自己冇睇住個囡係我唔啱。但作為顧客，幾好味都假，我寧願選擇一些令我食得開心又放心的餐廳。今次比老板娘嚇親，睇怕冇下次了。