Sodam Chicken (已結業)

好耐冇食炸雞喇，今約約咗朋友同回我炸雞的成魔之店Sodam Chicken，再次重溫當日的回憶。蜜糖芥末香蔥炸雞，份量十足，十幾件香噴噴熱辣辣的炸雞把餐碟堆得滿滿。炸雞一上枱，九秒九的把膠手套戴上，再手起嘴落，一口咬爆炸爆的雞皮，加上蜜糖芥末醬獨特的味道，甜中帶芥末的刺激，（重要的事，要講三次）。皮內的雞肉頗多肉汁，質地很嫩，不用五分鐘，就只見到骨頭。熔岩甜辣芝士烤雞，食完炸雞，就試埋個烤雞。由於選擇困難症發作，唯有選擇一雞兩味，既有“熔岩芝士”，又有“甜辣芝士”，不過選擇佢，主要都係因為芝士。芝士魔的我，見到面層的厚厚芝士，真的有點著魔，攞起件雞時，芝士同芝士間的藕斷絲連，已經唔係一絲絲咁小兒科。雞肉入口，口感好嫩滑，又多肉汁，同炸雞不分高下。而“甜辣”方面，除了保持芝士的濃香，再加上微辣和甜的混合，味道上的層次就再上一層樓。菊花特飲，大大杯，而且有著菊花獨有的味道，為魔鬼的炸雞，帶來了弦外之音的清新。