古早味原住台灣 (已結業)

入到嚟環境都唔錯，清清淨淨完全係台灣地度嘅擺設。宜蘭蔥餡餅我個人就最鍾意食一啲入面有餡嘅麵包，呢一款食落就唔係我食慣嗰啲，但係都好好味佢有佢嘅台灣本土特色，值得一讚!蚵仔煎 啦啦啦!千祈唔好同潮州蠔餅，咁去食呀!包你有好大嘅驚喜，因為各有各嘅處理方式，呢個有呢個好食之處，想試下就自己嚟幫襯下啦!台式醬牛肉同五香牛肉唔同，佢有佢嘅特色各有其色，食落各擅勝場。海鮮粉絲煲 粉絲煲大大隻蝦，見到海鮮 一隻隻，唔係蝦毛唔係海鮮仔，清淡可口唔錯。乾貝櫻花蝦荷葉飯見到個竹籠仔，再睇埋個入面啲櫻花蝦，話驚喜食埋入口，乾脆可口味道濃沃，值得一試。乾扁四季豆 哈哈哈!有啲似小小炒王呀!辣辣地甜甜地酸酸地鹹鹹地 。最正就係扁豆，粒粒粒都咁好味呀!九層塔手抓餅 哈哈哈手抓餅，見到佢爭啲畀佢同印度嘅薄餅，引導錯咗，味道完全唔會輸蝕畀印度大大叔呀!去台灣 一定要試一試。雲吞仔加啲醬汁加啲調味料，如果唔係淡淡哋嘅，就咁食原味雲吞仔，都唔錯。飯後飲品 一人一杯 紅豆奶茶，芝士古早味紅茶， 食完清清喉嚨，飲返啲慣常嘅口味。