The hangout bar & cafe (已結業)

我哋8:40行過依一間吧。佢哋就叫我哋入去飲酒。佢哋一共有三個地舖喺同一條街附近嘅位置。佢哋好努力咁推介，我哋見到有甜品牌，問佢哋是日甜品係乜嘢，佢哋話可以入去問一問廚房，又推介自己舖頭有甜品食。咁於是我哋入到去叫咗嘢飲。落單嗰時已經怪怪地，個侍應全部酒嘅名都唔識，我都同佢講話係餐牌第幾行。之後隔一陣佢哋就話政府規例要每一張枱都要叫食物，我哋多個四個人要叫兩個食物。我已經覺得有啲奇怪，因為佢已經擺低咗花生，已經算係有收費嘅食物，而且佢又唔解釋唔到嗰條規例嘅詳情。於是我哋就問佢有啲乜嘢甜品，佢哋就同我哋講冇甜品。咁我就已經覺得有少少被呃，同佢哋講話頭先響出面係因為見到有甜品先至入嚟，但佢哋堅持要我哋叫兩個食物，咁我哋最後都叫咗。食物同飲品味道都冇乜特別。去到9:30嘅時候，佢哋突然之間拎張單嚟話叫我哋埋單，嗰時先至知道原來佢哋10:00就要閂門。但係明明我哋入去嘅時候佢哋冇同我哋講過！我哋問佢哋可唔可以去隔離都係屬於佢哋嗰間酒吧度繼續飲，佢就答話可以，但隔離冇位。我哋無奈之後就繼續飲，去到9:45 ，佢竟然熄燈！但係我哋都冇走，佢就走咗去落閘，做咗好多小動作提示我哋走，但嗰陣只係9:50