Blue Lemon Cafe & Wine Bar (已結業)

講真現今香港不止地貴，其實食價物價亦提高不少，要找尋好食加平簡直難上加難。由其是我這種外國華僑。不過我每次回歸香港總會留翻一頭半個月，每次都會約中學年代好友去食飯。以往還算年青時代已經好喜歡去搜尋不同地方的特色小吃。如今亦一樣，只不過變成先上網，再親身體驗。今次經朋友兒子介紹，前往大坑一間叫做blue lemon的餐廳食晚飯。首先大家見到小弟的名就應該清楚知道我熱愛生蠔(同周柏蠔haha)，所以第一樣一坐低就立刻問有邊幾種生蠔。Blue Lemon共有美國，法國與澳洲三種生蠔。我order左無樣一件，先試試水溫。先講美國生蠔：最淡生蠔味，海水味幾乎零。肉質最肥美，應該最配一般人口味。法國生蠔：肉較少，海水味比美國多，有點腥，只能配大量辣醬進食。最後澳洲生蠔：肉比美國稍弱，但蠔味夠重，個人十分喜歡，再加少許檸檬進食，味道一流。之後我再encore六件澳洲生蠔，朋友則order三件美國生蠔，都幾滿足。主菜則要香煎極黑豬扒拌法式芥茉汁。豬扒肉質不錯，可惜毫無特別之處，另人失望。朋友則點了墨汁麵，味道還算可以，絕對比我的豬扒好食，但稍為淡。結論：生蠔蠻不錯，新鮮夠肥美，值得一試！主菜就一般般