1樓冰室 (康景街)

營業中

休息中

中午放飯1條友搵食，本身計劃食另一間既，但唔好彩撞閘無開門，周圍行下見到呢間1樓冰室未食過，就入去試試下，門口招牌就幾靚，但入面其實好普通，鋪面都唔大1眼望晒有大約11張枱。今日唔知咩事話得普通午市快餐，其他麵類果d都無供應，係咁意睇下餐牌就選擇左個雙蛋雙豬飯，$58飲凍檸蜜唔洗加錢。雙豬雙蛋飯，首先個飯既質量1般般，有d碎濕濕既感覺，又唔係話好濕，不過就口感唔多好，豬排唔算大塊，煎得比較香口，同時都比較乾身，我覺得還可以啦，煎蛋我要熟蛋，但係用圓模黎煎既我唔多鍾意，配菜有d白烚雜菜，味道唔討好。凍檸蜜開得淡左dd，唔會好甜，唔想飲太甜應該岩飲。整體上叫同一般普通連鎖快餐差唔多水準，無乜特色但都叫唔難食，呢個價錢雖然唔算話好貴但可以有更多更好既選擇。