影片
更多
2023-06-03
138 瀏覽
/🥘麻吉灶咖係k11art近期開嘅新餐廳！見佢啲嘢幾得意咁就去試吓，不過就食物質素未如理想☹️一行四人，叫咗六樣嘢。睇唒就可以避免踏雷🤣🫶🏻✨麻吉臭臭鍋 $188 (7/10)佢係一個小型邊爐仔咁，不過係用一次性嗰隻火嚟熱住佢，食到一大半就會燒完🤏🏻裏面嘅材料都唔少，有幾粒鵪鶉蛋，六塊牛，兩舊臭豆腐，一啲菜啊牛丸支竹等等。比較意外嘅係，用料係比較高質，牛肉浸咁耐又唔會去到好老好難咬，仲有牛肉味！其他料都幾好，因為個湯底都比較重口味，食完有啲口渴。但友人話臭豆腐差咁啲，但我已經覺得好臭啦🥹但一個$188嚟講，真係唔會再翻轉頭，性價比比較低。✨麻婆豆腐軟殼蟹拌麵 $108 (2/10)呢個就真係搞唔多掂。一睇見到用刀削麵做拌麵底應該幾正，但佢好overcooked，麵勁淋，撈埋一齊食一pat野咁☹️麻婆豆腐冇辣味，材料包咁🌚⋯⋯✨鰻魚芝士蛋餅 $98 (5.5/10)同平時蛋餅唔同，佢嗰鰻魚同芝士係鋪面😂打卡係幾好睇嘅。而裏面包住肉鬆芝士生菜，分量都唔少，而餅皮係軟身靭靭地咁，係幾好食。不過佢包嘅芝士都係未溶，無拉絲效果，而鰻魚差一塊先每件蛋餅都有😌本身想叫芋泥肉鬆蛋餅，但嗰日夜晚應該無唒芋泥
🥘
麻吉灶咖
係k11art近期開嘅新餐廳！見佢啲嘢幾得意咁就去試吓，不過就食物質素未如理想☹️
一行四人，叫咗六樣嘢。睇唒就可以避免踏雷🤣🫶🏻
✨麻吉臭臭鍋 $188 (7/10)
佢係一個小型邊爐仔咁，不過係用一次性嗰隻火嚟熱住佢，食到一大半就會燒完🤏🏻裏面嘅材料都唔少，有幾粒鵪鶉蛋，六塊牛，兩舊臭豆腐，一啲菜啊牛丸支竹等等。比較意外嘅係，用料係比較高質，牛肉浸咁耐又唔會去到好老好難咬，仲有牛肉味！其他料都幾好，因為個湯底都比較重口味，食完有啲口渴。但友人話臭豆腐差咁啲，但我已經覺得好臭啦🥹但一個$188嚟講，真係唔會再翻轉頭，性價比比較低。
✨麻婆豆腐軟殼蟹拌麵 $108 (2/10)
呢個就真係搞唔多掂。一睇見到用刀削麵做拌麵底應該幾正，但佢好overcooked，麵勁淋，撈埋一齊食一pat野咁☹️麻婆豆腐冇辣味，材料包咁🌚⋯⋯
✨鰻魚芝士蛋餅 $98 (5.5/10)
同平時蛋餅唔同，佢嗰鰻魚同芝士係鋪面😂打卡係幾好睇嘅。而裏面包住肉鬆芝士生菜，分量都唔少，而餅皮係軟身靭靭地咁，係幾好食。不過佢包嘅芝士都係未溶，無拉絲效果，而鰻魚差一塊先每件蛋餅都有😌本身想叫芋泥肉鬆蛋餅，但嗰日夜晚應該無唒芋泥。
✨墨汁鹽酥雞配三文魚子及辣味蛋黃醬 $92 (2/10)
呢個係店舖推薦嘅菜式，平時唔會有嘅配搭😯但我萬萬無諗到，表現最差係鹽酥雞。首先佢因為墨汁包住咗，炸到過唒火，表面食到係lon咗嘅味，近睇係啲粉係勁深啡色。二嚟佢入面勁乾，完全無雞嘅汁0juicy🫤。最後佢嘅新配搭根本係大大大伏，三文魚子係會分開食，蛋黃醬唔係用嚟調味，係令到佢無咁乾😹友人最後浸落個窩度塞埋落肚。
✨滷水大腸麵線 $58 (2/10)
大腸份量都多，而且冇臭味。不過麵線就麻麻地啦，味道方面差咁啲，差過屋企買嘅啊宗麵線急凍包🤫
✨甘梅粉地瓜條 $58 (8/10)
地瓜條好食！每條都好粗身，加埋甘梅粉無得輸啊👌🏻而係一碟都好多。
✨飲品 (8/10)
蜜桃冰沙芝士奶蓋 $46
草莓冰沙芝士奶蓋 $46
四季春芝士奶蓋 $42
紅豆抺茶奶奶 $52
四杯都幾好飲，芝士奶蓋勁厚，都好香芝士味，值得一叫🫶🏻
-
♡ May 2023
◆◆◆◇◇
-
#yat2sik3_tst
#麻吉灶咖
0 瀏覽
0 讚好
0 留言
0 瀏覽
0 讚好
0 留言
1 瀏覽
0 讚好
0 留言
4 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
張貼
