陸拾六 (已結業)

去呢間陸拾六之前，睇左幾個食評都比較正面，所以決定去親身試下係咪伏嘢。聽講之前有人話外邊寫咗下午茶2:30開始，但2:30都未有下午茶餐叫，今日專登望下個下午茶時間，見佢哋用塗改液改咗個時間係2:45開始，咁我2:45分入去，今次就試咗個茶餐。見到佢個餐牌真係簡單得來又唔直接，同以往喺食評見到嘅真係有啲分別，所以叫左個最普通嘅食物，珍寶牛肉煎蛋漢堡包伴薯條，再配杯焦糖咖啡。簡單來講，比我想像中沒有太大驚喜，賣相可以加分，但最重要嗰塊牛完全不合格，當然一個52蚊既餐唔會比到高質素嘅牛，可能下次食石燒西冷或者牛柳會對佢公平啲。至於杯咖啡就比較重奶味，不過咖啡味比較香，所以杯咖啡加返唔少分。環境方面我好滿意，尤其服務態度同埋個整潔度都唔錯，當我哋走嘅時候竟然包場，真係出乎我意料之外。雖然食品並非十分好，但下午茶時段也不至於咁冷清。