影片
更多
2022-12-25
1771 瀏覽
我哋一班老死成日講笑，行山行邊度，踩車踩去邊，都唔喺重點，重點喺個下午茶晌邊度食。今次出車，兜勻成個大埔、沙田、大圍，最後由老死帶路嚟到呢個私房秘點，大埔廣福邨冬菇亭嘅「富記驛站」，睇埋環境，就知擺明喺俾單車友中途嘅補始站。 呢度賣點就梗喺啲戶外露天位啦，真正露天茶座，哈哈！正所謂大樹好遮陰嘛，雖然坐出去風涼水冷，不過，都有其他風險，一就喺「中頭獎」，周圍確喺有好多雀飛嚟飛去，二就喺可能遇到吸「二手煙」，呢個好多時都無得避。 如果怕「風險」，就乖乖哋坐裡面，裡面其實都好大好多位，環境企理，地方都好乾淨，「冬菇亭」嚟講，都幾唔錯，如果大熱天，就更要坐入面涼吓冷氣啦。 其實，以佢嘅地理位置，擺明做埋啲單車客，除咗食住單車徑啲線之外，鋪外好多空位擺車，方便睇住架車，無鎖都唔怕被人偷。故此，店家都將個名加個「驛站」二字，喺幾貼切嘅。 餐牌就一大本，不過，下午茶時段嚟，就集中呢個時段有咩可以叫，除下午茶餐，仲有啲全日餐、西式快餐、炒粉麵餐。而早於9月第一次嚟，啲嘢食麻麻，之後，11月再嚟，俾多次機會佢，都一樣喺麻麻，所以，嚟攤抖吓就無妨，就唔好諗會食到咩好嘢喇。三文治餐 $28第一次嚟就試試佢啲
呢度賣點就梗喺啲戶外露天位啦，真正露天茶座，哈哈！正所謂大樹好遮陰嘛，雖然坐出去風涼水冷，不過，都有其他風險，一就喺「中頭獎」，周圍確喺有好多雀飛嚟飛去，二就喺可能遇到吸「二手煙」，呢個好多時都無得避。
如果怕「風險」，就乖乖哋坐裡面，裡面其實都好大好多位，環境企理，地方都好乾淨，「冬菇亭」嚟講，都幾唔錯，如果大熱天，就更要坐入面涼吓冷氣啦。
其實，以佢嘅地理位置，擺明做埋啲單車客，除咗食住單車徑啲線之外，鋪外好多空位擺車，方便睇住架車，無鎖都唔怕被人偷。故此，店家都將個名加個「驛站」二字，喺幾貼切嘅。
餐牌就一大本，不過，下午茶時段嚟，就集中呢個時段有咩可以叫，除下午茶餐，仲有啲全日餐、西式快餐、炒粉麵餐。而早於9月第一次嚟，啲嘢食麻麻，之後，11月再嚟，俾多次機會佢，都一樣喺麻麻，所以，嚟攤抖吓就無妨，就唔好諗會食到咩好嘢喇。
三文治餐 $28第一次嚟就試試佢啲三文治餐，因為都幾抵食，雙拼先喺28蚊，烘底加$3，小弟就揀咗鹹牛肉搭煙肉，再配杯熱奶茶。因為此刻客人唔多，所以，落單無耐就送到。
份三文治睇落好似好少料，打開睇睇，唔單鹹牛肉得薄薄一朕，煙肉都喺兩片仔，仲煎到幾燶吓，但至少唔喺啲大部份肥膏嘅劣貨。佢切開後將中間位置向外擺，變咗睇落多少少，實際你都見，餡料唔多，呢個完全喺掩眼法，哈哈！味道就不過不失咁啦，唔會有咩驚喜。
通常，晌茶記飲熱奶茶真喺無點衰，但凡事有例外，今回嘅奶茶，茶底好一般，無乜茶味咁，好似晌屋企用啲紅茶茶包沖咁樣，而且，太多奶喇！你話難飲咩，又唔算，只喺唔多理想。 
鮮油菠蘿包餐 $25第二次嚟就打算食得輕怡啲，因為踩車途中，晌上水已經食咗啲豆腐花同小食，唔喺太肚餓，加上今晚會早食飯，所以，簡簡單單就嗌個菠蘿包墊墊肚。
送到嚟，個包已經唔大個，不過，睇見突出嚟片鮮牛油就更加有啲心中不妙嘅不詳預感，果然，啲鮮牛油得好少，仲要已經溶晒，無咗食菠蘿油一口咬落啲牛油嗰吓神髓。至於個包本身，都還可以嘅，因為翻焗過嚟，面層都有啲脆口。
都喺俾多次機會佢，餐飲再叫杯奶茶試試，好可惜，都喺同一水準，即喺上次唔喺失手，真喺沖成咁，茶底未夠幽香，落奶偏多。 
生炸雞脾餐 $37不過，都要中肯少少講句嘅，老友就甚長情，次次都食炸脾配港式沙律。睇到隻炸脾真喺一啲都唔失禮，炸得金香，又夠大隻，老友仲話咬落皮見肉香，唔算好油膩，而啲沙律就食份懷舊味道。
前後試過兩次，應該就唔會有第三次，當然，有時一大棚人出嚟踩單車，都會就番大圍嘅選擇，到時就會醒目揀炸脾啦。
張貼
