影片
更多
2010-02-06
34 瀏覽
5-2-2010又搞到 9:xx pm 先食 dinner, 嚟到和富中心對面, 諗住米芝蓮店 (http://www.openrice.com/restaurant/commentdetail.htm?commentid=1856603) 無位都可以整碗撈粗 (http://www.openrice.com/restaurant/commentdetail.htm?commentid=2046428), 點知前者長長長長長龍之餘, 後者更閘都落埋, 呢間北京小店就成了第 3 選擇. 對涮羊肉套餐幾有興趣, 但 2 人胃納有限, 還是一人一碗麵, 加點小食 share 好了.凍豆漿: menu 話係自家製, 滑度一般, 但甜度剛好, 豆味算香, 還不錯.京式炸醬麵: 其實我第一次食 ^_^", 原來係熱食的? 將「炸醬」, 生蒜蓉及白麵條拌勻,「炸醬」比想像中鹹, 帶點麵豉味, 亦有肉碎的「粗糙」質感, 混埋蒜蓉就多一份辛辣及強烈蒜味, 配上實實又黐埋一餅嘢的麵條, 都真係幾膩, 結果食了一半已舉手投降 小食 #1 麻辣豬耳: 朋友唔食辣, 呢碟我一個人食晒 豬耳切得幾
又搞到 9:xx pm 先食 dinner, 嚟到和富中心對面, 諗住米芝蓮店 (http://www.openrice.com/restaurant/commentdetail.htm?commentid=1856603) 無位都可以整碗撈粗 (http://www.openrice.com/restaurant/commentdetail.htm?commentid=2046428), 點知前者長長長長長龍之餘, 後者更閘都落埋, 呢間北京小店就成了第 3 選擇. 對涮羊肉套餐幾有興趣, 但 2 人胃納有限, 還是一人一碗麵, 加點小食 share 好了.
凍豆漿: menu 話係自家製, 滑度一般, 但甜度剛好, 豆味算香, 還不錯.
京式炸醬麵: 其實我第一次食 ^_^", 原來係熱食的? 將「炸醬」, 生蒜蓉及白麵條拌勻,「炸醬」比想像中鹹, 帶點麵豉味, 亦有肉碎的「粗糙」質感, 混埋蒜蓉就多一份辛辣及強烈蒜味, 配上實實又黐埋一餅嘢的麵條, 都真係幾膩, 結果食了一半已舉手投降
小食 #1 麻辣豬耳: 朋友唔食辣, 呢碟我一個人食晒 豬耳切得幾粗, 食落夠晒爽滑; 醬汁味道似落了勁多豆瓣醬的「蒜泥白肉豉油」, 食落帶點酸又帶點甜, 又有點麻油香, 雖然辣而不麻, 但都幾香, 尤其配上底部的切絲黃瓜, 清甜中帶點辣, 幾好食
朋友叫了套餐, 有紅燒牛肉麵一碗, 韭菜豬肉餃一客, 跟一杯豆漿: 試了一啖牛肉, 醬油味幾濃, 質地尚算鬆化, 不過食慣了九龍城「大婆」(http://www.openrice.com/restaurant/commentdetail.htm?commentid=2042459), 呢度的自然成為「二打六」了.
又試了一隻 (蒸) 韭菜豬肉餃, 餡料肉汁豐盈, 韭菜亦嫩綠清甜, 不過餃皮厚到阿媽都唔認得, 質地味道亦似「澄麵」多過「麵粉」, 印象一般.
小食 #2 醬牛腱: 食落算腍, 但有點乾, 味道又淡淡的, 可幸有點生蒜蓉點綴一下, 不過整體麻麻哋喜歡.
食物 ok, 小店環境就好迫, 只怪我哋唔好彩遇著店方屋企人嘈到拆天的家庭聚會, 食完快閃好了.
每人 60 幾埋單, 未至於「津」津有味, 不過平平哋都可以一試的. 有機會多 d 人再嚟試試涮羊肉吧.
張貼
