黃記煌三汁燜鍋 (已結業)

之前同朋友係灣仔食過，印象中唔錯。今次既朋友鐘意食中菜，咁啱見佢搬左去尖沙咀，就帶佢地黎食。不過今次食返，味道尚可，但無印象中個種驚豔既感覺。呢間野d涼菜，夠酸，好正，好爽口！我同朋友點左石斑魚柳燜鍋，職員係你面前將食物調味，仲會提醒你幾時食得，感覺幾正。燜既時候，聞落幾香。入口個陣，魚肉滑溜，如果魚肉入晒味就好好食。可惜鍋中間有些魚肉未完全入味，食落變左汁還汁，魚肉還魚肉。食完燜鍋，可以將個鍋變火鍋，有好多食物款式揀，但價錢偏貴，每碟數量亦很少。建議夏季時，不要揀魚腐之類，因有少少變味。總括而言，這間餐廳的燜鍋不錯，可一試。