盈翠軒 (裝修中)

從來未食過咁難食嘅大閘蟹放題，食十隻蟹有三四隻都係臭嘅，其餘六七隻啲蟹膏又水又散，仲有啲苦苦地，冇一隻係正常嘅味道。出蟹嘅時間都唔太耐，中間有大約10分鐘停咗一停，但如果啲蟹係好味嘅我都接受到，但越食就越激氣，因為冇一隻蟹係正常味道，浪費時間又浪費金錢，大家都食到一肚氣。即使任飲嘅薑茶都係冇乜味道，只係好過飲水咁解。從來未試過食大閘蟹放題食食吓已經唔想食😡。補充，另外佢仲有一大碟菜，蟹肉羹，鮑魚仔，炒飯，一份雞同甜品，有時會有啲點心喺出邊俾你自己攞，呢啲都唔太難食，不過而家嘅主題係大閘蟹放題，我通常都唔會食咁多其他嘢，留肚食大閘蟹。