Carmel Cafe (已結業)

上星期Facebook彈出此店廣告，因為老豆最近迷上打雀，諗住同佢食呢間，可以近距離影雀！第一次打去book,本來想book 閒日tea time,貪少人，點知佢地話人手唔夠，而家只做晚黑，所以下次都要6點後先好打去！同屋企人傾完，不如當食母親節飯啦（閒日晚上），於是我又打去book，今次佢地話：果日好似有人包左場！但聽電話果位女士好似唔sure,話要再覆我...第二日我收唔到佢地電話，第三日自己再打去問！當時一位男士confirm 星期三真係包左場，好在我一早問定屋企人，就改book星期四！點知再夜D，女士又打黎話覆番我,我通知已打左比佢地，改埋booking!女士又話男士新黎，其實星期四已full曬，叫我一係改明天，一係星期五！其實呢一家四口，仲要番工，要約齊四個已很難，我話：我要問屋企人！女士又話睇下有無人cancel order,聽日覆我！跟手今次有覆我啦，不過又叫我改星期日....IG 話自己開兩點唔update 都算，其實一間餐廳有無包場唔係mark 好曬既咩？ 一次又唔清楚，兩次又新黎唔知？不會再想去了！