根記粥麵店

營業中

休息中

身為生滾粥迷，食過唔少香港嘅粥檔。本人認為好過佢嘅粥品大有人在。可能係長洲僅有嘅粥麵專家店唔多，無競爭。其實呢間店嘅出品，不論係腸粉、炒麵、油器、或生滾粥，都認真麻麻。而且價錢又唔係平。所以性價比唔係高咯～首先論粥底，雖然都算綿，佢落咗白果同少量腐竹去煮，食到淡淡腐竹香。呢方面係值得一讚嘅。可惜佢味精較重，相比另外兩間粥品店嘅粥底顯然重味好多。無辦法，香港人慣咗長期出街食，習慣咗味精，一唔放味精就覺得d嘢食無味道。。。另一不足之處係有時會失手：間中買魚腩粥，d粥底會越食越稀，出水。其他嘢食例如即叫即做嘅腸粉都⋯⋯無驚喜粉層頗厚，口感又淋，又無米香⋯⋯單單雞蛋葱花腸已經賣成25蚊碟，覺得唔值。