金撈老鴨湯刺身火鍋專門店 (已結業)

成日都想試呢間，但次次約到朋友就撞正收緊人數2人或禁晚市，今次卒之食到，湯底感覺比出面火鍋店特別啲，第一次食，當然點個招牌鴨 翅湯底，老闆仲好好人，知我地第一次嚟，親自招呼， 教我地一定先飲下碗鴨湯，嘩，超甜，唔油膩，又足料，象拔蚌刺身鮮甜，桂花蚌大條又彈牙（必食），桶蠔又肥美大隻（爭住食，忘記影）,老闆推介嘅野生竹笙，大條得嚟又滑又爽口，自家響鈴，滾一滾鴨湯，堅停唔到口，原本見人點咗個幾層高嘅牛拼盤，耐何朋友唔太食牛，我唯有點個本地牛頸脊（重牛味，要再點），最衰個肚唔爭氣，太快飽，下次嚟一定試下好多人推介過嘅牛胸爽