影片
更多
2011-01-27
217 瀏覽
話說今晚同屋企人食團年飯, 知道呢間酒樓有Daddy想食既片皮鴨, 早兩日就打電話訂位啦，訂位時巳問清楚我留位的日子是否仍有片皮鴨, 某男經理話"有", ok我訂位, 跟住今朝都有小小擔心, 再打電話double confirm, 接電話的女士答：今天仍"有"，明天就沒有。ok放心晒!夜晚去青葉攞位，戲肉嚟啦：同侍應小姐講想預留一隻片皮鴨，侍應小姐話：我們今天沒有賣片皮鴨。叫我問清楚經理，好，問經理我：唔該，我想預留一隻片皮鴨待應小姐：我們今天沒有賣片皮鴨我：唔係喎，我之前訂位嗰時同埋今朝都有打電話嚟問清楚話有我先訂位架喎待應小姐：你問經理啦 (ok，咁我去問經理，唔問好地地，一問簡直想打人)我：經理，我之前訂位嗰時同埋今朝都打電話嚟問清楚係咪有片皮鴨，你哋話有我先訂位架喎，點解而家又話無呢經理：無啊（態度輕挑冷淡）我：咁點解你哋今朝話有經理：無啊，可能同事誤會咗啦（繼續態度輕挑冷淡）我：有無搞錯啊，如果知你哋無我唔會訂位啦跟住有位何經理走出嚟，(即係相中呢位) 全個過程都好唔客氣＋好無禮貌何經理：咁你而家想點我：有無搞錯，好有問題喎，巳經打咗２次電話嚟話有今日有供應先嚟，而家又話無何
話說今晚同屋企人食團年飯, 知道呢間酒樓有Daddy想食既片皮鴨, 早兩日就打電話訂位啦，訂位時巳問清楚我留位的日子是否仍有片皮鴨, 某男經理話"有", ok我訂位, 跟住今朝都有小小擔心, 再打電話double confirm, 接電話的女士答：今天仍"有"，明天就沒有。ok放心晒!夜晚去青葉攞位，戲肉嚟啦：同侍應小姐講想預留一隻片皮鴨，侍應小姐話：我們今天沒有賣片皮鴨。叫我問清楚經理，好，問經理
我：唔該，我想預留一隻片皮鴨
待應小姐：我們今天沒有賣片皮鴨
我：唔係喎，我之前訂位嗰時同埋今朝都有打電話嚟問清楚話有我先訂位架喎
待應小姐：你問經理啦 (ok，咁我去問經理，唔問好地地，一問簡直想打人)
我：經理，我之前訂位嗰時同埋今朝都打電話嚟問清楚係咪有片皮鴨，你哋話有我先訂位架喎，點解而家又話無呢
經理：無啊（態度輕挑冷淡）
我：咁點解你哋今朝話有
經理：無啊，可能同事誤會咗啦（繼續態度輕挑冷淡）
我：有無搞錯啊，如果知你哋無我唔會訂位啦
跟住有位何經理走出嚟，(即係相中呢位) 全個過程都好唔客氣＋好無禮貌
何經理：咁你而家想點
我：有無搞錯，好有問題喎，巳經打咗２次電話嚟話有今日有供應先嚟，而家又話無
何經理：有咩問題，我唔覺得有問題，我唔知你有咩問題，咁你而家想點
我：你唔覺得有問題咩
何經理：我唔覺有問題喎，無咪無囉，咁你而家想點啊
我：我投訴你
何經理：好啊，你咪投訴囉，呢個係投訴世界，你咪去投訴囉結果，我轉場
張貼