韓樂 (香港仔中心)

營業中

休息中

今日午餐去外賣自取，叫咗個燒雞扒香蔥粟米石鍋飯，記住係「外賣」。返到屋企打開，頂⋯飯面除咗見到雞扒外，仲有爆多生蔥粒😨，亦有粟米粒。第一個反應係挑走佢算啦⋯但真係好多，然後發現啲蔥粒係生架🥶！我點方心俾我小朋友食🤯我即刻打電話去食店反映，第一次接聽個職員話「係架！石鍋飯嘛⋯啲配菜係有機會凍嘅！」我話依家陣生喎！對方好似聽唔明個問題喺邊，仲話啲蔥熟左入盒會黃🤷🏻‍♀️我諗諗下真係不吐不快，再打電話搵店舖經理（當然唔知對方係唔係啦），我再重覆講一次，然後我話⋯堂食有個熱石鍋炒幾下就無問題啫⋯但我外賣喎！你都照放啲生嘅蔥粒落去？佢唔係得幾粒做裝飾喎⋯你點擔保啲生蔥無菌？可以考慮，外賣跟埋個石鍋出，得咗。