影片
更多
2021-11-26
889 瀏覽
咁大個人未試過飲茶成肚火星期三放假約左屋企人飲下午茶，1:50拎飛，大約2:05入得，叫號個個俾左張有QR code紙我，檯號253定25x唔記得，佢新開之後我第一次嚟，揸住手上張紙🈚️人帶路，係無人帶路，我唔知你地平時係自己搵位定點，第一次飲茶入座無人帶，算，自己搵，行左半場我都未搵到，怪我眼細睇唔到，過程中完全無職員打救，行半場後我搵唔到檯見就近有個女職員，就問見唔到張檯，佢就話張檯俾人坐左，你是但坐哩張啦，係我手上抽走張紙無問我無俾返任何嘢我，是但坐 ⋯⋯咁新開d茶具都新同靚，見檯面又有蠟燭，我平復自己心情想好好飲茶⋯⋯我坐左一陣無人問我飲咩茶，我開始舉手，每次舉手都要30秒-1分鐘不等，有人過來問之後佢幫我點個個蠟燭，點左成分鐘佢話火槍無氣，行去隔離繼續點，隔離ok喔有火，之後佢就無再返來⋯⋯開始準備點嘢食，係門口等個陣睇左一下點心紙，個前台姐姐話唔使寫嘟qr code就得，我係台上見唔到任何qr code，我再次舉手，有個男職員(頭髮蓬鬆、豎起、我覺得有d亂嘅叔叔年紀）走過來，我問點解見唔到qr code，佢明明過左來，但無解答到我，一邊口嗡嗡(我聽到好似xxxxx寫紙）一邊走
星期三放假約左屋企人飲下午茶，1:50拎飛，大約2:05入得，叫號個個俾左張有QR code紙我，檯號253定25x唔記得，佢新開之後我第一次嚟，揸住手上張紙🈚️人帶路，係無人帶路，我唔知你地平時係自己搵位定點，第一次飲茶入座無人帶，算，自己搵，行左半場我都未搵到，怪我眼細睇唔到，過程中完全無職員打救，行半場後我搵唔到檯見就近有個女職員，就問見唔到張檯，佢就話張檯俾人坐左，你是但坐哩張啦，係我手上抽走張紙無問我無俾返任何嘢我，是但坐 ⋯⋯
咁新開d茶具都新同靚，見檯面又有蠟燭，我平復自己心情想好好飲茶⋯⋯我坐左一陣無人問我飲咩茶，我開始舉手，每次舉手都要30秒-1分鐘不等，有人過來問之後佢幫我點個個蠟燭，點左成分鐘佢話火槍無氣，行去隔離繼續點，隔離ok喔有火，之後佢就無再返來⋯⋯
開始準備點嘢食，係門口等個陣睇左一下點心紙，個前台姐姐話唔使寫嘟qr code就得，我係台上見唔到任何qr code，我再次舉手，有個男職員(頭髮蓬鬆、豎起、我覺得有d亂嘅叔叔年紀）走過來，我問點解見唔到qr code，佢明明過左來，但無解答到我，一邊口嗡嗡(我聽到好似xxxxx寫紙）一邊走，我好無奈⋯⋯
咁照寫紙，其中一道，我掙扎叫白灼菜心$25定金銀蛋浸菜苗$48，唔想咁淡所以揀左金銀蛋菜苗，來到見到一碗菜心、我估有10條，一堆蛋白加菜心，點解係菜心，係咪我理解有問題，阿媽以為係豆苗，都算啦，我又舉手問，有個女職員過左來，我問哩個菜苗係點解係菜心，佢答我「菜苗就係菜心，你食唔食呀」(哩句嘢態度好差）跟住佢講完又走左，我未反應得切佢句嘢⋯⋯
我夾起食啦，好淡好淡，心諗如果係咁點解唔叫白灼，我都係不解，我舉手附近有個男職員，頭先我形容頭髮亂個個人，我問金銀蛋浸菜苗係咪可以揀要咩菜，佢反應好大，「無呀 無呀 菜苗就係菜心，食得就食啦」佢個樣好似想打人，黑口黑面，態度惡劣，繼續一邊口嗡嗡一邊行⋯⋯我d火上曬腦直情想反佢檯，我無做到⋯
總結，哩餐茶係我有史以來第一次覺得背脊骨落、成肚火、覺得超級唔值一餐，希望貴 公司好好處理員工對客服務、態度、言詞，我對你地十分失望，第一次食都係最後一次，我唔會再嚟
張貼
