阿霞餛飩

營業中

休息中

平時多數嘅lunch time都會喺度食，今日夜晚冇乜諗法咁咪去霞姐雲吞食。一行三個人，入到去冇店員接待我地，咁咪自己搵個位坐低。都唔使睇餐牌就諗到自己食乜。搵戴眼鏡嘅男仔落單，三個人嘅份量都唔少，我嗌完一碗麵之後佢就走咗去落單，如是者佢就不停行過嚟聽我講咩又行返過去落單。攞張紙出嚟寫低有幾難又唔係記得到。到佢落完單，我再check單嘅時候，發現佢有好多嘢都落錯咗。例如凍檸茶走甜，佢就走冰。碗麵要辣嘅，佢就寫不辣。其他嘢我都算，碗麵嚟到，我咪叫佢加返啲辣醬。佢攞返入廚房之後，連同廚房兩個人對住我碗麵喺度笑。有乜嘢咁好笑？原來係攞咗兩殼辣椒醬，喺我碗麵度。之後碗麵根本食唔到。平時lunch time食飯個經歷真係幾好，食物質素唔錯。但係一間舖請住咁嘅店員，客人去食飯好似受氣咁。從來都未食過一間餐廳咁挽啲客。