上戶酒場 (已結業)

今日Happy Friday咁啱喺九龍城搵嘢食咁就試吓依間居酒屋總共叫咗兩個午市套餐+自選串燒套餐🥢C餐：上户刺身盛配迷你烏冬 💰$208刺身種類總共有四款，三文魚、油甘魚、赤蝦、帶子，好啱大部份人食，全部都好新鮮，好大隻、鮮甜，另外烏冬份量足夠，麵豉湯入邊竟然有蜆同蝦，呢度有啲驚喜，少有麵豉湯會咁足料🥢D餐：壽司盛 💰$168🍣總共有八件壽司，壽司嘅款式都係好大路，例如三文魚、吞拿魚、油甘魚、赤蝦、鰻魚、蟹柳、磯煮鮑魚、黑松露帶子，整體壽司新鮮，職員提醒我哋要首先食咗帶子同埋鮑魚先，另外依個套餐都係有麵豉湯🥢自選4串燒包一杯飲品💰$98/set總共叫咗兩個set，就連埋兩杯飲品🍹巨峰梳打唔甜，有巨峰提子香味🍹乳酸梳打啖啖乳酸味，幾好飲🍢串燒自選4款，種類都多，所以唔難揀，整體嚟講串燒整得唔錯，醬汁用得適中，特別係個雞肉做得夠嫰滑本身冇打算叫串燒套餐，因為覺得兩個人食兩個午餐都夠飽，但係職員話依個串燒套餐，喺星期五都用嚟做埋推廣，最重要係我睇中咗個套餐有嘢飲🤣咁就順便叫埋嚟試吓啦如果同朋友行開九龍城嘅話，多數都係會去Cafe，我都好少見九龍城有串燒套餐，如果以$98嚟講，同朋友吹吓水坐