影片
更多
2021-11-21
691 瀏覽
喺熊貓酒店地庫搵嘢食，因為嗰度都好多食店，原本想試嗰間新開地中海菜，但D午餐唔吸引， 見隔離呢間日本嘢，都幾多人咁，門口個叮噹都好可愛便試下。餐廳裏面唔算太大 ，大部分人都係食拉麵。叫咗個牛舌飯 同牛肋肉條飯， 食飯係唔包飲品，要汽水另加 6元。牛肋肉條套餐，包蒸蛋 ，沙律菜， 麵豉湯，賣相係 ok嘅， 但係啲牛肋肉條，好霖冇乜味好似煲湯渣，食咗一嚿已經唔想食。😩個牛舌冇味道又係好霖， 係我食過最難食嘅牛舌，個半熟蛋竟然係凍嘅，個蒸蛋又熟過頭有啲鞋，只係暖暖哋。😫 啲侍應服務都係麻麻，叫幾次都唔應你，愛理不理咁。 其實佢收費都唔平，仲要加一，為起每人都要80蚊。 🤨忍唔住睇返之前啲食評，原來呢間餐廳 2014年已經開始營業，初初都好多人讚 ，2020年之後就負評多。😒 咁多選擇，我唔會再去食下次。☹
餐廳裏面唔算太大 ，大部分人都係食拉麵。
叫咗個牛舌飯 同牛肋肉條飯， 食飯係唔包飲品，要汽水另加 6元。
牛肋肉條套餐，包蒸蛋 ，沙律菜， 麵豉湯，賣相係 ok嘅， 但係啲牛肋肉條，好霖冇乜味好似煲湯渣，食咗一嚿已經唔想食。😩
個牛舌冇味道又係好霖， 係我食過最難食嘅牛舌，個半熟蛋竟然係凍嘅，個蒸蛋又熟過頭有啲鞋，只係暖暖哋。😫 啲侍應服務都係麻麻，叫幾次都唔應你，愛理不理咁。 其實佢收費都唔平，仲要加一，為起每人都要80蚊。 🤨忍唔住睇返之前啲食評，原來呢間餐廳 2014年已經開始營業，初初都好多人讚 ，2020年之後就負評多。😒 咁多選擇，我唔會再去食下次。☹
張貼
