君戶鍋貼大王 (已搬遷) 新店位置

之前在灣仔已經中過伏一次，今次冇睇清楚就行咗入去尖沙咀呢間，仲點咗鍋貼，同菜肉雲吞。鍋貼 3.5 元1只 ，菜肉雲吞6只 33元 。但真係未食過咁難食嘅鍋貼 同菜肉雲吞！  鍋貼皮 又厚又硬，豬肉裏面有碎骨，懷疑沒有洗乾淨啲豬肉，所以連碎骨都絞埋落去，一不小心就會咬崩牙的。菜肉雲吞仲離譜，唔係用雲吞皮，係用鍋貼皮做，好厚好硬，啲豬肉都熟曬，個皮都仲未熟，個湯底係清水，完全冇味，湯裏面有啲椰菜，但冇煮過，係生嘅。真係要認住呢間食店，千祈千祈唔好再行入去！