何蘭正

營業中

休息中

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯做得foodie，成日都想試下唔同嘅餐廳，好少會回頭食多次。今次介紹嘅餐廳名副其實和餐廳名一樣「何蘭正」。餐廳位於中上環位置，有一條長長嘅斜坡等緊我，為食嘅你地要比啲決心。24小時慢煮伊比利亞叉燒豬油撈飯上一次嚟過食完一直都念念不忘。用左24小時慢煮嘅叉燒，外層焗到有微微焦香。叉燒用左肥瘦均勻嘅伊比利亞豬肉，配搭超級邪惡嘅豬油，好味到連個飯都唔小心就食晒。照燒五花肉漢堡包 配 吉列炸蝦餅漢堡包平時食開配牛肉，見到有蝦餅就心思思想試下。用左比較厚身嘅五花肉，五花肉本身就有一層脂肪，所以口感會比較軟身。而蝦餅就夠香脆同埋有蝦嘅甜味，整體上平衡得好好又唔會肥膩。雞蛋仔格子鬆餅配中式年糕冇諗過係餐廳度竟然食到雞蛋仔。有趣嘅地方佢唔係普通嘅雞蛋仔，雞蛋仔嘅內層用上中式嘅年糕，口感同麻糬一樣會煙煙韌韌。雞蛋仔面頭加上松露風味70%朱古力忌廉，自家製車厘子果醬和香濃瑞士朱古力雪糕，絕對係非常邪惡嘅甜品。週末嘅時候會推出咖啡Menu，我就試咗橙香咖啡梳打，有氣嘅咖啡多咗份橙香嘅味道，感覺好新穎。另一款值得試嘅係越式椰子咖啡沙冰,充滿椰香嘅味道。如果唔想