Bubbles & Wines

營業中

休息中

今日同朋友去赤柱沙灘，順便慶祝生日。有朋友之前介紹呢間餐廳，話他們服務及食物質素幾好，所以去開赤柱就試吓。呢間餐廳坐落於赤柱市集的一條巷仔，有露天座位，非常之有渡假feel。我們三個人點了一支白酒，一個burrata沙律，再加芝士拼盤及幾種不同的歐洲火腿去試吓。芝士選擇非常多，多到其實數唔到，餐廳老闆會即場介紹枱上不同的芝士，所以即使對芝士沒有太大認識都可以選擇到適合自己的口味。另外值得一提係成間餐廳勁有酒店feel，店員service 好好，非常有禮貌，時常給我們添飲水（因為我們選擇坐露天枱，而當日天氣都幾熱）。 裝修同擺設都好有心思，仲有外面塊空地可以比小朋友放下電，大人就可以坐喺度慢慢享受下。