Marco's buffet (已結業)

老人家生日唔想我哋使錢又想d小朋友有得行吓玩吓決定左呢間，12位5個大人3長者4小童，用曬d優惠除開16x蚊一位，平時食餐普通晚飯嘅價錢。坦白講一去到見到食物種類少，無所謂buffet嘅回本菜，呢間野一分錢一分貨啦。嗰晚食左嘅野唔多：1）沙律葉+煙三文魚+風乾火腿無貴價嘅菜，煙三文魚同火腿不過不失，講真出去食一個咁大份嘅salad點都過百。2）燒羊仔肉燒得唔錯約5成熟，可惜限量出一兩次就無。3）贈品芝士焗龍蝦肉質老，味道麻麻，唔會再想食4）忌廉磨菇湯幾好味足料，點知返到屋企勁口渴5）豆腐蒸魚嘅豆漿味道淡，節食者福音6）chesse cake 同平時d buffet無得比嘅，味道同質地都唔錯可以食多件。成餐飯食得好開心，老人家覺得平，小朋友可以出去幫自己塊pancake 唧吓醬，攞吓食物，如果屋企人提意可以再去。最後要讚吓呢度嘅staff 好好，有禮貌好笑容，回應速度快又helpful。