李好味 (已結業)

李好味位於中環擺花街，一d都唔難搵，店鋪有兩層，店內裝修充滿本土懷舊味，玩味十足，醒目舊式招牌舊式茶餐廳手寫餐牌，頂呱呱推介，有唔少抵死餸名，懷舊鐵窗，舊海報，綠色軟皮櫈，紅A牌紅色燈罩隨處可見，被安排坐到窗邊位置，店內環境一流，可惜窗外正在修路，有d殺風景，呢片窗影過去，非常有feel,因為唔想飲酒所以叫左mocktail自己柚，店員都話自己鍾意飲，無介紹錯，酸酸地，唔錯唔錯，傻豹，雪碧加士多啤梨雪糕，懷舊野黑牛d friend,都唔會唔好飲，老魷鬼鬼，油炸鬼釀魷魚蝦膠，再加甜酸醬，送酒一流，夠脆夠熱氣，好食，薯頭薯腦，波浪薯條，伴以芝士醬，芝士粉，旁邊仲有松露蛋黃醬，薯條夠粉，一絕，李小龍蝦，味道可以但我唔太鍾意個汁，有d濃味，反而跟埋既炸饅頭配用煉奶打成既cream,反而幾驚喜，煉奶cream塗落炸饅頭一齊食，入口即溶，好有趣，而且又無平時煉奶咁甜，最後食埋個鹽焗有米雞，呢個要等50分鐘，雞好嫩，但糯米飯唔多，仲有兩隻鮑魚，另外怕你唔夠味，另上鮑魚汁比你，味道可以，但唔驚喜，呢個試過就👌,由於食完已經好飽，所以已經無力再食甜品，如果想食下野傾下計，呢間係唔錯既選擇。