影片
更多
2017-12-30
2150 瀏覽
車仔麵可以話係香港 50 年代嘅窮人恩物，當時市民為了謀生，街頭湧現流動攤販，售賣車仔麵。不過隨住生活水平改善，車仔麵檔已經由街頭走入舖位。早幾天友人突然在群組中提起屹立於灣仔區多年嘅「車仔麵之家」，說店子最近喺北角開咗新分店，位置好近我，叫我有空去試下。講起上嚟，其實我也很久沒吃過車仔麵，趁周五懶得開火鑽，就拉埋兩父子一起來開餐。新舖位於錦屏街後街，地方不大，走小店格局，裝修簡單，不過空間感唔錯。左邊靠牆設有多張四人卡座，而右邊同中間位就以木檯櫈為主，配上盡頭嘅開放式廚房，整體感覺乾淨企理。麵店採自助形式，客人要先去 counter 落單，當場點選，然後等叫號碼領取。麵底共有 9 款，而配料選擇就有接近四十款，除了常見的牛腩、豬紅、蘿蔔、豬皮外，還有多款廚師推介，例如甜酸齋、釀豆卜、咖喱魷魚、豬手、豬大腸、炸豬扒等。另外還有 8 款淨餸，再加埋飲品，選項真係多到數都數唔曬。飲品揀咗凍公和豆漿 ($10x2) 同菠蘿荔枝梳打 ($14)，豆漿入口順滑無渣，豆味頗濃；梳打真材實料，內有菠蘿同荔枝肉，入口味道酸甜，開胃又刺激味蕾。小伙子年青力壯，食量驚人，揀咗大米線做底 ($16/大)，而
車仔麵可以話係香港 50 年代嘅窮人恩物，當時市民為了謀生，街頭湧現流動攤販，售賣車仔麵。不過隨住生活水平改善，車仔麵檔已經由街頭走入舖位。早幾天友人突然在群組中提起屹立於灣仔區多年嘅「車仔麵之家」，說店子最近喺北角開咗新分店，位置好近我，叫我有空去試下。講起上嚟，其實我也很久沒吃過車仔麵，趁周五懶得開火鑽，就拉埋兩父子一起來開餐。
新舖位於錦屏街後街，地方不大，走小店格局，裝修簡單，不過空間感唔錯。左邊靠牆設有多張四人卡座，而右邊同中間位就以木檯櫈為主，配上盡頭嘅開放式廚房，整體感覺乾淨企理。
麵店採自助形式，客人要先去 counter 落單，當場點選，然後等叫號碼領取。麵底共有 9 款，而配料選擇就有接近四十款，除了常見的牛腩、豬紅、蘿蔔、豬皮外，還有多款廚師推介，例如甜酸齋、釀豆卜、咖喱魷魚、豬手、豬大腸、炸豬扒等。另外還有 8 款淨餸，再加埋飲品，選項真係多到數都數唔曬。
飲品揀咗凍公和豆漿 ($10x2) 同菠蘿荔枝梳打 ($14)，豆漿入口順滑無渣，豆味頗濃；梳打真材實料，內有菠蘿同荔枝肉，入口味道酸甜，開胃又刺激味蕾。
小伙子年青力壯，食量驚人，揀咗大米線做底 ($16/大)，而配料就點咗牛腩 ($10)、炸墨魚腐皮卷 ($9)、炸豬扒 ($16)、鹵腩仔肉 ($10)、鹵水腎 ($10)、紅腸 ($7)， 另配淨餸生菜 ($12)。米線軟熟滑溜；墨魚腐皮卷有點似「南記」嘅春卷，用腐皮包裹墨魚膠鮮炸而成，入口鮮甜香滑。豬扒軟而不韌，肉汁豐盈；腩仔肉肥瘦適中，滷得夠曬入味。
筆者年紀大，胃納有限，所以點了細米線做底 ($8/小)，而配料就揀咗冬菇 ($7)、釀豆卜 ($9)、煎厚餐肉 ($10)、甜酸齋 ($8)，加辣汁，另配淨餸咖喱魷魚 ($12)。冬菇已經切開，唔算好大隻，但都幾厚肉；釀豆卜內藏手打蝦膠，豆卜吸盡湯汁，超正。甜酸齋個汁用陳醋同白醋炮製，味道酸酸甜甜；辣汁不算很辣，入口香濃惹味。魷魚用自家調配咖喱醬烹煮，挾起一看，魷魚鬚掛滿咖喱汁，濃香撲鼻，食落煙韌彈牙。
至於老公就揀咗油麵做底 ($8/小)，而餸料就點咗牛腩 ($10)、蘿蔔 ($7)、釀豆卜 ($9)、牛肚 ($10)、煎魚餅 ($11)、甜酸齋 ($8)，加辣汁。油麵頗爽身、有蛋香，煮麵時間控制準繩。魚餅厚度十足，煎至兩面焦黃，入口不覺油膩。牛腩肉質柔軟、牛肚爽中帶咬勁，牛筋軟嫩香滑。蘿蔔夠腍，完全無苦澀味，甜而無渣。總括來說，價錢雖然有點貴，但食物水準唔錯，會再嚟幫襯。就當晚所見，店子人流都幾多，頗旺場。
張貼
