影片
更多
2018-10-28
155 瀏覽
朋友生日，佢又鐘意打邊爐，所以就book了呢度。尖沙咀嘉芙中心地庫，雖然外面有燈箱，但就要望入「地牢」先望到個招牌，小心去咗另一間打邊爐，有一條短樓梯落去地牢。我地坐近門口位置，隔離就係放調味料，「油」字右面層架係有 一大樽腐乳，並非擺設，真係可以拎嚟當調味。懷舊屋邨靚裝，支持本土色彩嘢。裝修都算用心，走入火鍋店，以為走咗入去香港歷史博物館(間館其實就係附近)，都應該有參考過博物館裡啲擺設。叫了個鴛鴦戲水鍋(麻辣/松茸菌)($128)顧名思義即鴛鴦湯底，基本嘢。麻辣那邊本來都唔係太辣，但越滾就越辣，壽星朋友就致喜歡因為夠辣。阿肥牛皇拼盤 ($338)第一次嚟食，先嚟個拼盤，反而裡面手切肥牛比較好味，肉質嫩口。反而個穀飼安格斯牛肩胛肉就失色咗，同外面吃嗰啲牛肩唔同質感，不太肥美。 最衰就係自己剛剛去完日本食過靚牛肩，唔係咁嘅質地囉。四寶丸，用蒸籠盛載又幾特別，不過份量就少咗啲，其實佢用個細蒸籠應該就唔覺少，兩人食可以食晒四款，四個人食就分一半囉，咪當點多啲其他嘢食。拾吓拾吓，真係要飲番杯，一定要用戰鬥碗。最喜出望外，就係食生日蛋糕時，佢哋用隻「萬壽無疆」碟， 裝蛋糕食得幾特別。生日之星就
尖沙咀嘉芙中心地庫，雖然外面有燈箱，但就要望入「地牢」先望到個招牌，小心去咗另一間打邊爐，有一條短樓梯落去地牢。
我地坐近門口位置，隔離就係放調味料，「油」字右面層架係有 一大樽腐乳，並非擺設，真係可以拎嚟當調味。
懷舊屋邨靚裝，支持本土色彩嘢。
裝修都算用心，走入火鍋店，以為走咗入去香港歷史博物館(間館其實就係附近)，都應該有參考過博物館裡啲擺設。
叫了個鴛鴦戲水鍋(麻辣/松茸菌)
($128)
顧名思義即鴛鴦湯底，基本嘢。
麻辣那邊本來都唔係太辣，但越滾就越辣，壽星朋友就致喜歡因為夠辣。
阿肥牛皇拼盤 ($338)
第一次嚟食，先嚟個拼盤，反而裡面手切肥牛比較好味，肉質嫩口。反而個穀飼安格斯牛肩胛肉就失色咗，同外面吃嗰啲牛肩唔同質感，不太肥美。 最衰就係自己剛剛去完日本食過靚牛肩，唔係咁嘅質地囉。
四寶丸，用蒸籠盛載又幾特別，不過份量就少咗啲，其實佢用個細蒸籠應該就唔覺少，兩人食可以食晒四款，四個人食就分一半囉，咪當點多啲其他嘢食。
拾吓拾吓，真係要飲番杯，一定要用戰鬥碗。
最喜出望外，就係食生日蛋糕時，佢哋用隻「萬壽無疆」碟， 裝蛋糕食得幾特別。生日之星就更加開心。
本人最怕食咗啲只係得裝潢靚靚，嘢食唔好味之店。但這間店嘢食都算新鮮好味。
不過，我哋就坐近門口，調味料又係附近，路又有啲窄，好多人都會經過。另外，可能喺地牢，關了門之後，整間店又滿座，食客講嘢聲都困晒係這間店，我朋友覺得嘈到有點頭痛。還有就是門口附近有部空氣清新機，會噴啲難聞嘅氣味出嚟。
張貼
