蛇膠參滋補專門店

呢排大家興Weekend 出深圳食飯，我地都係留港消費支持者下香港食肆。今日試左呢間住於新蒲崗Miki附近嘅本土小店，主打高質蛇羹同無添加燉湯。二人餐都係4百蚊左右，包括每人一客蛇羹，鮑魚燉湯，臘味飯，乾鮑小米粥，鮑汁花菇，仲要有新鮮菜心同中式甜品，抵食過北上消費。一向以為蛇羹只適合係冬天食，但經老板介紹原來蛇羹一年四季都可以食黎滋補一下。套餐入面嘅蛇羹雖然係寫細，都好大一碗，味道唔錯。套餐入面嘅「花旗參燉海」因為多人叫已經賣晒，老闆幫我地轉左鮑魚燉雞湯，完全冇添加，好味！值得一試嘅係小米粥配乾鮑，簡單得黎又奢華。價錢實惠！