包販子 (已結業)

今次試咗北京填鴨漢堡包同埋all day baofast， 賣相很好。 北京填鴨味道正宗， 但配埋西式嘅包又好新奇。鴨肉好足料， 好嫩口，但醬汁有點唔夠多， 味道有點似燒鴨。All day baofast 有得揀配包或者三文治， 建議可以同牛油果一齊食。 最重要係有大大塊超厚嘅煙肉同爆汁嘅黑椒腸！個蛋炒得好滑，可以自己落鹽同胡椒配濃淡。 沙律菜非常新鮮，加咗黑醋唔會苦。 個茄汁焗豆用真茄肉整。 另外嗌咗杯凍綠茶鮮奶， 綠茶味比奶味濃，細細杯剛好夠飲。呢間包販子地點雖然離地鐵站有點遠，但整體算易搵。 餐廳環境裝修簡約文青，非常適合打卡。 餐牌設計用心，菜名盞鬼。價錢又唔貴， 絕對對得上個環境，食物質素，同良好嘅服務態度。期待再番黎試埋個陀地西多！