四喜麵包西餅 (已結業)

四喜麵包西餅上年係尖沙咀插左旗，不過因為疫情就停開分店，但最近終於開返！所以即時去買佢地招牌小食試下🥰今次就買左法式蛋批、花生朱古力同脆皮麻糬波波，見到鬆餅同曲奇都好想買，鬆餅$12/個，有朱古力、藍莓、原味、仲有比較少見花生味，睇表面都見到粒粒花生🥜洋蔥三文魚蛋批｜$28蛋批有六款口味，包括有芫茜三文魚、明太子沙樂米腸、洋蔥三文魚、法蘭克褔腸咖哩、煙肉洋蔥和西蘭花磨菇，份量十足，可以當正餐食都夠飽🤣蛋批用左酥皮做餅底，面層烤得焦香，蛋餡幾滑同埋有蛋香，食到洋蔥甜味同三文魚，相當其他款式呢個就比較淡味d，但就更突出本身蛋既味道👍🏻花生朱古力｜$20/4oz松露朱古力同花生朱古力之間，我揀左後者，見到粒粒花生都包滿朱古力真係好吸引😍花生用左泰國花生，夠哂大粒，焗完先同朱古力混合，所以特別脆口🤤朱古力用左72%，雖然唔太濃，但勝在唔會好甜，4oz原來都唔少，過過口癮不錯脆皮麻糬波波｜$12/4件有芝士、朱古力同脆皮口味，麻糬波波空氣感過強，基本上中間係空心🙈冇乜麻糬煙韌感同軟糯，脆皮表面有點硬，焗完都冇好酥脆口感