影片
更多
2023-03-24
41 瀏覽
今晚想飲下酒食個飯 🍺🍺 係黑布街見到呢間最多人 😜 就入黎試下 ! 店員話餐廳同本地少爺啤酒廠有聯繫 , 所以提供多款少爺啤酒廠出嘅啤酒 ! 如果唔想飲酒 , 佢地都有 Mezzanine Makers 嘅有氣茶品 ! 飲啤酒點可以冇送酒小食 !! 呢度嘅小食加入咗港式元素 😲😲 例如鹹蛋黃薯條同埋腐乳醬配雞翼 , 好有親切感 ! 👍👍餐牌 :鹹檸啤 ($76)鹹鹹地 , 酸酸地 , 幾特別 😁 都算易入口 , 而且感覺幾 fresh 酒花街 3 號 ($87)味道豐富同好有層次 , 甘味較重 d , 同出邊飲開超市買嘅啤酒有明顯分別 , 值得試吓 ! 炸魷魚圈 ($78)份量好多 🦑 魷魚彈牙 , 炸皮厚薄適中 , 點埋鹹酸菜他他醬 , 送啤酒一流 !! 炸卡津雞翼配腐乳醬 ($78)雞翼大隻肥美 😋😋 同樣脆皮做得好好 , 外層有調味粉 , 裏面都夠晒入味 , 好出色 ! 配埋腐乳醬辣辣地 , 那那地 , 好惹味 !!估唔到呢度嘅小食咁高質 👍👍 吐司雞 ($92)呢個菜式喺 OpenRice 見到好多人都有嗌 😏😏 我當然唔可以錯過呢一個 signature dish ! 超
餐牌 :
鹹檸啤 ($76)鹹鹹地 , 酸酸地 , 幾特別 😁 都算易入口 , 而且感覺幾 fresh
酒花街 3 號 ($87)
味道豐富同好有層次 , 甘味較重 d , 同出邊飲開超市買嘅啤酒有明顯分別 , 值得試吓 !
炸魷魚圈 ($78)份量好多 🦑 魷魚彈牙 , 炸皮厚薄適中 , 點埋鹹酸菜他他醬 , 送啤酒一流 !!
炸卡津雞翼配腐乳醬 ($78)
雞翼大隻肥美 😋😋 同樣脆皮做得好好 , 外層有調味粉 , 裏面都夠晒入味 , 好出色 ! 配埋腐乳醬辣辣地 , 那那地 , 好惹味 !!估唔到呢度嘅小食咁高質 👍👍
吐司雞 ($92)呢個菜式喺 OpenRice 見到好多人都有嗌 😏😏 我當然唔可以錯過呢一個 signature dish ! 超大份 , 成塊連皮雞扒拎去炸 , 炸漿似連鎖 KF_ , 由於用咗雞扒 , 雞肉唔會鞋 !! 多士賣相令人流曬口水 , 唔好睇佢好厚 , 以為實的的 , 其實麵包密度做得好 , 只有軟棉感覺 ! 配埋嘅咖央牛油 , 好似食緊咖央多士咁 😬😬 好味 ! 如果鍾意食甜嘅朋友仲可以加埋大麥麥芽糖漿 ! 呢個炸雞多士配搭好特別 🤗🤗 呢個價錢冇嘢可以挑剔 !!
黑布茄牛意 ($89)呢個意粉唔係一般嘅茄牛意 🤓 佢加咗鯷魚同黑蒜 , 黑蒜味好出 , 鍾意食黑蒜嘅朋友唔可以錯過 ! 意粉幾彈牙 , 牛肉好足料 , 大大份 , 抵食 !
整體黎講 , 食店啤酒同飲品選擇超多 , 一定會揀到啱你嘅 ! 店員對各款啤酒亦好熟悉 , 會好詳細介紹俾你 , 完全唔使擔心有選擇困難症 😛😛 小食同主食有創意之餘 , 最緊要好味 😎😎 唔使擔心會中伏 !! 另外值得讚嘅係呢度性價比好高 , 2 個人食咗 $5XX , 飽到食唔曬 , 又可以嘆到好味嘅本地啤酒 ! 氣氛又好 ! 值得再嚟 ! 👍👍
張貼
