才哥蝦麵 (已結業)

本地好味有心小店陪男朋友去完大角咀體育館打波之後就行去對面大街諗住行下有咩好食，見到才哥價錢合理，男朋友又打完波無咩胃口所以就選擇入去食下Ｄ小食。環境乾淨，吾會大陣油煙味。野食都多選擇。玻璃魷魚通菜魷魚係彈牙既，吾會熟過頭變硬。仲撈左xo醬，好味。才哥蝦撈麵用手打麵方式制做，麵質彈牙，比較驚喜係配料既豬油渣和蝦頭，炸得乾透，　蝦湯真係好濃好香，十足才料淆製，非常有誠意，而且幾大碗，男朋友讚不絕口👍牛舌煮得夠淋， 厚切，軟腍入味。份量不少，而底下還有豆卜。羊肉湯有6件羊肉，啖湯羊味十足。也是夠味，夠淋之餘又可以補充大量的骨膠原，令到身體曖粒粒！無骨海南反而仲有驚喜，雞非常嫩滑，食落好似入口即溶咁，本地小店食物好食，食得出好有ＨＥＡＲＴ，好用心。雖然係小店經營，但細節位，例如上菜既碗同碟都仲係有暖既溫度，令到菜式保持味道素質！