Domon 居酒屋 (淘大商場3期) (已結業)

店鋪裝潢都幾日式，整體感覺都算闊落。雖然話係日式餐廳，但睇佢嘅餐牌都有港式同韓式菜式嘅影子，可以話係偏向多元化菜式嘅餐廳。前菜-牛油果沙律呢個沙律好差！牛油果完全係未熟嘅，硬到不得了！但係佢個醬係ok嘅，好似係沙津醬加咗少少蜜糖芥茉醬嘅味道。但成道菜因為主角牛油果而嚴重失分。主食-牛肉炒拉麵係一碟有鍋氣嘅炒拉麵，食落都ok嘅，少少油，個麵都幾軟彈，黑椒味比較重，感覺似係黑椒牛肉炒河但轉咗個麵底。主菜-燒鯖魚定食會附送小食同麵豉湯，正正常常啦，係覺得個湯鹹咗少少。鯖魚燒得都可以，唔會太乾，點埋個醬汁同檸檬都幾清新。碗白飯係珍珠米黎嘅，都ok。覺得最好食係燒菠蘿新甜可口又多汁價錢都係街坊價，唔係話好貴嘅，整體黎講都ok,係牛油果唔熟。