影片
更多
2019-03-12
6322 瀏覽
2月2號星期六年廿八，之前買了海洋公園年票，趁着今日仍然可以使用（農曆年期間有差不多兩個星期的 blackout period），入園前先到金鐘搵食。本來想去灣仔鋸扒食薯條，忽然醒起那一間扒房另外有一間同門餐廳在金鐘，因利成便，決定一試。不過餐廳的位置實在有點不太方便，從金鐘地鐵站出口沿着行人天橋向着海旁一路走，穿過差不多所有商業大廈，一直走到最接近海旁的中信大廈 ⋯⋯ 終於到達目的地。雖然內有七間餐廳（有平有貴）、一間咖啡店及一間中式湯品專門店，但商廈遠離地鐵站及金鐘寫字樓核心地帶，主要客源就只有週一到週五的辦公室午饍時間；是日週末商廈內就顯得非常冷清，在金鐘商場逛街的人一般不會老遠走過來。搭扶手電梯上到3樓，就是「Mr. Tomahawk Member of Louis Steak House」。餐廳門口掛上餐牌，詳細列出各款是日午餐；與平日上班時段款式相同，價格定位唔算便宜（$168～$288），襯托了金鐘的甲級商廈，一眾 banker 應該沒有所謂。推門入內，連同我們一家三口就只有兩台客人。餐廳屬於中高檔次，雖然面積唔大，但空間感相當充足；裝修風格簡約、以黑白格仔為主題，並非走
雖然內有七間餐廳（有平有貴）、一間咖啡店及一間中式湯品專門店，但商廈遠離地鐵站及金鐘寫字樓核心地帶，主要客源就只有週一到週五的辦公室午饍時間；是日週末商廈內就顯得非常冷清，在金鐘商場逛街的人一般不會老遠走過來。搭扶手電梯上到3樓，就是「Mr. Tomahawk Member of Louis Steak House」。餐廳門口掛上餐牌，詳細列出各款是日午餐；與平日上班時段款式相同，價格定位唔算便宜（$168～$288），襯托了金鐘的甲級商廈，一眾 banker 應該沒有所謂。
推門入內，連同我們一家三口就只有兩台客人。餐廳屬於中高檔次，雖然面積唔大，但空間感相當充足；裝修風格簡約、以黑白格仔為主題，並非走高級扒房路線，而以一間優質扒房定位。餐廳的其中一面更享有無遮擋維港景緻，兼可採集天然日照，甚至設有一間全維港景的包廂！餐廳景觀優越，如果不是遠離地鐵站及主要遊客集中地，周末生意應該會好些。
除了午市套餐之外，牆壁上的黑板用粉筆字寫上不少廚師推介，其中當然包括了當年「Louis’ Steak House 樂意扒房」的招牌名菜花膠扒。當年「樂意扒房」作為一間港人經營的正規西餐廳，已經罕有，竟然還創新地採用中菜的名貴食材厚身花膠，以中式方法炆煮、再配上中西混合的醬汁，絕對是經典！上一代老闆引退了，作為第二代營運的兩間新扒房之一，在銳意革新、迎合潮流、注入摩登時尚的型格正統美式扒房裝修風格、引入年輕活力的型仔靚女侍應之餘，仍然保留這道經典菜式，抵讚！（註：參見筆者另一篇食評《本地老牌扒房的延續》）。
與同門扒房「Nebraska」一樣，餐廳名字與牛扒同樣有關係，不過今次就來得更加直接，「Tomahawk」即是斧頭牛扒，擺明車馬賣牛扒。
餐湯是羅宋湯，用一個刻有餐廳名字小托盤盛載，並附上一片蒜蓉牛油焗法式長麵包，簡單企理。蒜蓉麵包熱辣辣、牛油味香濃，表面亦覺得夠香脆。羅宋湯濃稠適中，並且將所有熬湯的蔬菜渣滓全部隔走，只餘下稠身無渣的蕃茄濃湯，同時又滲透著其他蔬菜的清甜，好味道。
85 瀏覽
1 讚好
0 留言
Grilled USDA Pork Chop Union ($168) 採用厚切帶骨豬鞍，烤至表面焦香，再淋上適量洋蔥燒汁。切開豬鞍，呈全熟的米白色，並非西班牙黑毛豬僅僅熟的帶微微粉紅色，也沒有一截甘香的豚脂。咬落去肉質軟身、沒有渣滓，有肉汁，豚肉香而不臊，其實質素已經相當高；雖然比起西班牙黑毛豬，脂肪含量始終較低，未夠腍滑及缺少油香，但已經非常好食。
Grilled USDA Pork Chop Union
$168
51 瀏覽
0 讚好
0 留言
本來唔知道 USDA Sirloin Steak Diane ($198) 與 Grilled USDA CAB Sirloin Steak ($188) 的分別，見到份牛扒之後，就知道原來前者多了一個牛油忌廉蘑菇汁。與 Grilled USDA Pork Chop Union 一樣，同樣有已經去皮的切粒薯仔墊底，雖然及不上炸薯條香口，但卻更為健康。
USDA Sirloin Steak Diane
$198
54 瀏覽
0 讚好
0 留言
USDA Sirloin Steak Diane
$198
64 瀏覽
0 讚好
0 留言
牛扒表面鋪滿蘑菇，牛油忌廉汁則只有淡淡牛油香氣，但卻恰當，不會蓋過牛扒肉味。五成熟的牛扒肉質雖然鬆軟，但仍然有少少渣，肉味亦未夠香濃。原因簡單，因為並非 USDA Prime 級別；餐牌上另外有一個寫明係 USDA Prime Ribeye 的午餐就要 $288。
雖然白烚薯仔健康，但也要額外叫一客 French Fries ($58) 以滿足女兒要求。熱辣辣、即叫即炸的幼切新鮮薯條好難唔好食。
$58
106 瀏覽
0 讚好
0 留言
66 瀏覽
1 讚好
0 留言
餐飲除了普通的咖啡或檸檬茶之外，還可以不加錢選擇 latte 或 cappuccino，非常友善及值得讚賞的安排。另外一杯餐飲則加錢轉了熱朱古力，表面採用了咖啡的處理方法，用打了空氣的泡沫鮮奶拉花。
55 瀏覽
0 讚好
0 留言
以餐廳地點、出品質素及份量來說，午餐價錢合理，都算抵食；但晚餐定價則直逼高級扒房價，再上一級就要數到酒店級頂級扒房了。不過，如果可以在週末到來光顧，客人少、景觀靚、環境舒適寧靜，又的確是很好的選擇。
張貼
