影片
更多
2020-11-18
123 瀏覽
踏入生日月，點可以唔打邊爐！一家三口外出打邊爐為我慶生湯底：招牌龍蝦海鮮鍋待應姐姐推介話有成隻美國波士頓龍蝦，一於試吓，但真係多料到好誇張，除咗龍蝦，仲有好多鮮蝦，大大隻又肉厚嘅蜆，滑豆腐，娃娃菜，秀真菇，雞脾菇，芹菜等，湯底呈橙黃色，充滿海鮮嘅鮮甜味，實在太有驚喜仲有，侍應姐姐會好熱心，不停加龍蝦湯，唔係清湯！火鍋料：本地新鮮吊龍伴（小）吊龍伴即係肉眼邊，手切得塊塊厚薄好平均，軟腍而帶少少油脂，牛肉味香濃！自家黃金炸響鈴咸蛋黃加即製響鈴，超級邪惡，先咬一啖試真原味，鬆脆可口到停唔到口，之後滾2秒吸滿海鮮濃湯，正！粟米墨膠奶皇包原來係墨魚丸加入粟米中間包咗咸蛋黃，唔怪之得要等成20分鐘先上，好彈牙美味但都幾漏五色餃子拼盤有5款餃子，每款2粒，最推介係黑松露鮮蝦餃雜菜拼盤有生菜，菠菜及油麥菜，全部都菜好翠綠同爽口！飲品菠蘿冰同酸梅湯都係必飲之選！我哋三個都捧住個肚走，每人只係約三百蚊
湯底：招牌龍蝦海鮮鍋
待應姐姐推介話有成隻美國波士頓龍蝦，一於試吓，但真係多料到好誇張，除咗龍蝦，仲有好多鮮蝦，大大隻又肉厚嘅蜆，滑豆腐，娃娃菜，秀真菇，雞脾菇，芹菜等，湯底呈橙黃色，充滿海鮮嘅鮮甜味，實在太有驚喜仲有，侍應姐姐會好熱心，不停加龍蝦湯，唔係清湯！
火鍋料：
本地新鮮吊龍伴（小）
吊龍伴即係肉眼邊，手切得塊塊厚薄好平均，軟腍而帶少少油脂，牛肉味香濃！
自家黃金炸響鈴
咸蛋黃加即製響鈴，超級邪惡，先咬一啖試真原味，鬆脆可口到停唔到口，之後滾2秒吸滿海鮮濃湯，正！
粟米墨膠奶皇包
原來係墨魚丸加入粟米中間包咗咸蛋黃，唔怪之得要等成20分鐘先上，好彈牙美味但都幾漏
五色餃子拼盤
有5款餃子，每款2粒，最推介係黑松露鮮蝦餃
雜菜拼盤
有生菜，菠菜及油麥菜，全部都菜好翠綠同爽口！
飲品
菠蘿冰同酸梅湯都係必飲之選！
我哋三個都捧住個肚走，每人只係約三百蚊
張貼
