影片
更多
2010-01-27
222 瀏覽
是日同前老細補farewell，同場六人，三男三女大擦海鮮餐~一行五人遲到，所以去到見前老細一個人食緊前菜(應該係鹵水雞翼尖)....大家坐低之後不停傾計....大概傾咗三個字，我忍唔住建議前老細去選海鮮....呢個重任由我同二秘書加前老細....攪掂~~正題如下:-新鮮白灼蝦 - 以我一向唔太喜歡白灼蝦嘅人都話佢超鮮甜...肉質彈牙...蝦殼本身比平時食開啲白灼蝦硬好多，所以好易搣，我平時唔食今次都食...咗幾隻~~~蒜蓉粉絲蒸元貝 - 不嬲元貝呢啲係食新鮮...如果個蒜蓉粉絲味唔係特別難食，隻元貝唔蒸得過熟，都係可以順利過關。清蒸新鮮老虎班仔 - 係成晚我覺得最值回票價嘅一味，魚肉嫩滑夾鮮，火侯蒸得啱啱好，所以我今次連個魚頭都攪掂埋。薑汁炒芥蘭 - 又係啲先烚後炒貸式，仲要鬼咁油同冇薑味。豉椒炒聖子 - 爽脆彈牙，都幾鮮甜，尚可。蛋白花雕蒸蟹 - 蟹肉散，冇膏，蛋白好似蛋花咁，碎濕濕，最幣仲要係完全食唔到蟹味，因為呢啲連我係好酒之徒都覺得酒味重得離譜，所以大家好快...唔係食晒，係放低晒。生炒骨 - 一般貨仔，份量少。辣酒煮花螺 - 螺SIZE細，都新鮮甜美，個辣酒幾好，酒味同辣
一行五人遲到，所以去到見前老細一個人食緊前菜(應該係鹵水雞翼尖)....大家坐低之後不停傾計....大概傾咗三個字，我忍唔住建議前老細去選海鮮....呢個重任由我同二秘書加前老細....攪掂~~
正題如下:-
新鮮白灼蝦 - 以我一向唔太喜歡白灼蝦嘅人都話佢超鮮甜...肉質彈牙...蝦殼本身比平時食開啲白灼蝦硬好多，所以好易搣，我平時唔食今次都食...咗幾隻~~~
蒜蓉粉絲蒸元貝 - 不嬲元貝呢啲係食新鮮...如果個蒜蓉粉絲味唔係特別難食，隻元貝唔蒸得過熟，都係可以順利過關。
清蒸新鮮老虎班仔 - 係成晚我覺得最值回票價嘅一味，魚肉嫩滑夾鮮，火侯蒸得啱啱好，所以我今次連個魚頭都攪掂埋。
薑汁炒芥蘭 - 又係啲先烚後炒貸式，仲要鬼咁油同冇薑味。
豉椒炒聖子 - 爽脆彈牙，都幾鮮甜，尚可。
蛋白花雕蒸蟹 - 蟹肉散，冇膏，蛋白好似蛋花咁，碎濕濕，最幣仲要係完全食唔到蟹味，因為呢啲連我係好酒之徒都覺得酒味重得離譜，所以大家好快...唔係食晒，係放低晒。
生炒骨 - 一般貨仔，份量少。
辣酒煮花螺 - 螺SIZE細，都新鮮甜美，個辣酒幾好，酒味同辣味啱啱好。
小插曲 : 事源有位待應阿姐過嚟收碟，企喺出菜位，跟住佢唔小心撞瀉咗其中一位男士杯啤酒，點知佢即時瞪大對眼望住我，好似我整瀉咁，佢係企喺我同個男士中間，點講我都冇可能整瀉，全枱人眼見咁嘅情景，都莫名其妙，佢仲要全程好似好無辜咁，連"唔好意思"說話都冇一句，簡直劣呀~~
張貼
