Su Casa (已搬遷) 新店位置

星期六揸車搵食一定要搵個有停車場泊車嘅，去到石門，就諗起京瑞廣場，泊完車之後因為有啲趕時間，決定響地面求其搵一間食就算，見到佢午餐set lunch響京瑞價錢都屬於中上🤔，不過趕時間就食咗先算啦叫咗一個午餐，同一個All day Breakfast，嘢食10分鐘到就上碟，賣相真係唔錯 個意粉係食得出醬汁係調配出來，唔係罐頭，味道屬於OK，但意粉唔太掛汁，以價錢來講，性價比未算高🤔。另外All day breakfast 相對更加失色，尤其是個牛角包，同普通連鎖麵包店差不多🤷🏻‍♀️，炒蛋亦不夠滑，雞扒亦都係一般整個早餐比較好食係個沙律同埋蕃茄最後飲番杯Latte,🤭有拉花嘅，但味道都係一般，整體嚟講，呢個價錢，食呢個質素，都係性價比唔夠🤷🏻‍♀️或者可能佢有其他更好食嘅嘢未發掘到，不過未必有下次Lu