元札幌拉麵 (宇晴軒商場) (已結業)

咁岩喺荔枝角嗰邊行完D2 Place，朋友就話有另外一個商場有嘢食，仲話係食日本野，就即刻應承咗過去睇睇。感覺好似日式的居酒屋，仲有好多多啦A夢擺設，睇嚟老闆係一個多啦A夢迷。餐牌選擇都多，我就比較鍾意食魚生，而且唔鍾意諗，所以揀咗個定食套餐，裏面有好多款式嘅嘢。極上雜錦魚生飯定食$128你會見到有好多款式唔同嘅魚生，包括三文魚，赤蝦，帆立貝，吞拿魚蓉，油甘魚等等⋯新鮮度也OK，最主要白飯係上面加咗啲芝麻，令個飯冇咁dry！配以酸蘿蔔，蟹子沙律，茶碗蒸，味增湯～蟹子沙律個size都幾大，好開胃；茶碗蒸甜味十足，裏面仲有啲鳴門卷等等；味增湯味道適中，唔會太鹹，好啱口味！同埋包埋罐裝汽水，如果揀波子汽水嗰啲就要另外加錢，不過就算唔加其實都有茶提供！之後發現埲牆上面有一個吉列牛套餐，下次試吓先。