元札幌拉麵 (宇晴軒商場) (已結業)

疫情前，門口夾公仔機都正常，現在明顯刻意將公仔放到不可能夾到，疫情後夾了近百次都失敗，郁都唔郁，明顯是騙人然後，食物質素都遇來遇差，啲飯太淋，牛肉也太碎，比之前差了很多

這間拉麵店應該是給學生和住附近的居民食的， 我來到這裏食他們的中午套餐， 他們的拉麵有很多的配搭，有餃子和其他常見的款式。 我指著餐牌說要這一個， 就是叉燒拉麵。叉燒份量也足夠拉麵就普普通通沒有什麼特別， 有飲品， 也有麵豉湯。 算是經濟實惠的套餐拉麵。

廚師推介。店員指無這個的技豆。無！燒牛舌。無！燒魷魚。無！女店員(懷疑店長)態度很差。愛理不理，入場又無安排坐那個位置食物質素一般，麵質及湯底都麻麻。燒物也過得去。問題最大的都是服務態度。食過幾次都食得唔開心

這間拉麵，算是午餐飯堂，吃了至少10 次、20 次，一般都不用等位。門口裝修很特別，有一個大叮噹和夾公仔機，吸引小朋友。內裏是一般日式拉麵店的裝修，牆上掛了幾個明星的照片，看上去滿有歲月痕跡。午餐有很多選擇，不同的拉麵，烏冬，日式丼定食，任君選擇。拉麵也有$68/$78 選擇，$78 套餐性價比超高，一大碗拉麵，一份小食和罐裝飲品。今次點了香菇拉麵和凍豆腐，叉燒肉質不會太乾，又大塊。凍豆腐差不多一盒豆腐的份量，當然不是百福豆腐，應該是日本豆腐，豆味香濃。而且木魚的份量差不多滿瀉，配上芝麻汁，食指大動

話說去開荔枝角想搵野食，開openrice 睇下見呢間咁少負評，直覺唔好食都應該唔會差得去邊，穩陣起見都係見兩碗麵試水溫。兩碗麵皂水味都好重，我會形容呢啲叫港式日本拉麵，當然唔少得港式拉麵常見配置既粟米粒，去到呢度都知已經衰左。地獄拉麵，辣就係辣，但感覺係師傅唔小心甩左個蓋倒多左辣椒粉果種辣，可以形容為味精辣，質感味道都無深度可言，感覺上三哥果種辣還比佢優勝，其他方面無咩值得評論。另一碗Ankake拉麵，英文叫Sticky soup ramen，店員同我講其實係醬油拉麵，仲煞有介事同我講個麵已經「改良咗」無咁杰。黎到果然無呃我，真係唔杰，真係一碗港式醬油拉麵，然而我真係唔知邊一忽sticky。食拉麵唔好食我大可當自己去左搵三哥，但兩碗麵開價七十幾蚊碗，其實都幾離譜，基本上去foodcourt俾四十幾蚊都係呢啲質素。

是日天氣持續酷熱，我地嚟咗荔枝角搵嘢食。諗起已經好多年未嚟過呢間拉麵店，於是就同男友過嚟幫襯吓。午餐時人流唔算太多，坐得幾舒服。服務員態度良好，會主動為食客添茶。我地點咗兩個午市套餐，每份都係$60至$70左右，價格相宜。我地都鍾意食拉麵，所以點咗兩款拉麵。拉麵份量頗多，大大碗，係麵豉湯底同豉油湯底，令我好回味當年去札幌時食嘅拉麵。另外，仲有兩款小食：手羽先（即雞翼）和南瓜餅。南瓜餅一定要趁熱食，外脆內軟，好好食！手羽先攤凍咗，變硬曬，有啲可惜噢！

五月的第一天，仍然是疫情，看了<複製人•徐福>，逛了一下D2 place，就準備吃晚飯。看了一下開飯，就發覺這個吃日本菜的餐廳。從D2 place走過來，有著一道天橋，很適合情侶談心，走進商場，在超級市場旁邊找到了這個日本餐廳。餐廳環境牆上的璧畫有著濃厚的日本色彩，但從某些位置看來卻很像茶記🙈🙈食物方面餐牌的設計令人眼花撩亂，而且菜式多得令人目不暇給，十分鐘後才揀得下手。揀了一個套餐，點了「梅蘭菊竹」套餐😂實際是叫什麼我也忘記了，從不同系列中各自選擇一個菜式。點了1）招牌牛油拉麵2）招牌雞翼3）牛舌4）滑蛋豬扒蛋飯先來了招牌牛油拉麵，隨著牛油慢慢在湯中融化，令湯底更香滑濃郁，味道提升了不少，令整個拉麵的口感和味道提升至極點。可惜的是配料比較少，叉燒得一塊，有點失望。之後來了雞翼，有兩隻，味道不俗，但略嫌口感不足，而且雞肉比較薄，反而牛舌弄得不錯，口感有，烹調期間加入一些調味粉，從而把味道提升了不少。最後來了個滑蛋豬扒蛋飯，豬扒是厚切，適合一班食肉獸，但滑蛋就略嫌不足，去到後面就乾吃白飯。日期：2021.5.1

放假食碗拉面, 已經選個杰身o的既湯底話試下, 但都係好稀同稍為淡口味反而汽水係玻璃樽有少少驚喜而且當日枱數唔多, 可能近下午茶時間排...八十幾蚊食完... 有o的唔抵

午市$78拉麵加3件刺身 佢水你下午茶餐加$48蚊既三文魚刺身 幅圖有5件 黎到都係得3件 跟餐沙律既中華海草得一著仔 下面係一大堆生菜梗 仲要一滴醬都無 主菜定食都還好 個拉麵真係不知所謂 餐牌既拉麵款已經奇奇怪怪 拉麵落芽菜都唔緊要 重點係個湯有芽菜水味 餐牌又無寫有咩湯底 自動俾左個醬油湯底 完全係老抽加水 一啲日式拉麵既感覺都無 似係茶記乾炒河加水 個麵又好普通 真係未食過咁難食既拉麵間鋪當時得唔到10個客 都要等成20分鐘先上菜 強烈建議唔好食拉麵 真係食都寧願食隔離和民

——————————————————————#叉燒拉麵 $78（套餐）份量都幾多，叉燒同平時食開有唔同，依間叉燒比較厚身同埋無咩肥肉，如果半肥瘦會正d！拉麵算滑身，整體不過不失😂好味指數：7.6/10#辛辣拉麵 $78（套餐）湯底辣辣地配埋d肉碎，幾惹味！呢個拉麵本身入面無肉，所以叫左雞軟骨同餃子🥟2樣食落都幾香口同足料，呢個set lunch抵比！好味指數：8.1/10——————————————————————📍地點：元札幌拉麵 (荔枝角)荔枝角深盛路9號宇晴軒商場2樓7-8號舖☎️電話：35431448#美食#相機食先 #香港美食 #吃貨 #黃店 #黃色經濟圈 #拉麵 #荔枝角美食 #元札幌拉麵 #noodels #foodie #hongkongfood #hongkongfoodie #hongkong #food #foodssss___

同朋友黎荔枝角上堂，落堂已經差唔多9點，見呢間拉麵鋪開到10點半，就過左黎食。我哋嗌地獄麵同流心芝士蝦餅。地獄麵冇想像中咁地獄😆拉麵用左曲麵，曲麵掛湯，個人認為呢個組合冇特別驚喜，可能係因為唔夠辣，好似食完都頂唔到鋪辣癮😆配料方面溏心蛋好香醬油味，而且掌握得啱啱好，係我鐘意嘅熟度，要俾個like 👍海帶同荀都幾好食，叉燒一般。至於流心芝士蝦餅麻麻地，冇乜蝦味，味道偏淡。二零二零年七月最後一日晚市堂食，食完呢餐，都唔知幾時可以再出街食晚飯😪

而家都好少出街，屋企啲野都比我地食哂又要去補貨，順面係附近食個飯就番屋企，突然心血來潮想食拉麵，就同妹妹去左食拉麵香蔥拉麵拉麵上面舖滿左大量香蔥絲，見到都流哂口水，有香蔥清爽嘅口感同辛辣嘅蔥味，點綴左成個拉麵，拉麵係味噌湯底，非常好味，鹹度適中，而拉麵硬度我就揀左適中，煮得岩岩好，拉麵彈牙而且掛湯力強，好食。三文魚刺身件件都係厚切，口感十足，三文魚好鮮甜又夠肥美，性價比極高!燒多春魚燒得好香，食落仲唔會好乾，唔會燒到過哂火喉，味道十分鮮美!燒鯖魚鹽燒鯖魚焦香美味，魚鮮味幾重，魚肉好嫩又無腥味，配飯同茶都一樣咁好味。炒魷魚鬚醬汁好入味，新鮮熱辣辣炒，鑊氣十足，魷魚鬚彈牙爽口，我妹妹好鍾意食呢個小食。溫柔蛋牛舌飯妹妹叫左呢款主食，牛舌份量都幾多，食落都幾易咬，唔會好韌，加埋溫柔蛋配飯，有香濃嘅蛋味同多左一份滑溜嘅口感，不錯。食飽飽係時候番屋企~

有位朋友係荔枝角放半日，搵她食下野，無幾耐同朋友行街行到腳都軟，就是就搵左間餐廳坐下，一入到黎每人都會有一杯綠茶，慢慢嘆下茶先，兩個女仔唔係好食得多嘢，都係叫幾樣小食傾吓計燒鱈魚棒熱辣辣即叫即燒，而且燒得好香，鹹香味岩岩好，配埋酸酸甜甜嘅沙律醬，夠哂香口又好味，話咁快我地兩個人就食哂，好食到停唔到口。三文魚蟹籽手卷好足料，啲蟹籽多到滿瀉，三文魚好鮮甜，手卷食落啖啖肉，價錢好親民，CP值超高!北海道南瓜炸薯餅炸到金黃香脆，炸皮好薄又好脆，入面包有滿滿嘅南瓜蓉，食落甜甜地，有好清香嘅南瓜味，非常好食。雜錦串燒一次可以食哂幾款串燒，燒得恰到好處，雞翼充滿肉汁，啲肉仲係KEEP住好嫩滑，而雞軟骨好有咬口同入味，兩個都係我最鍾意食。蟹子沙律食左咁多好野，再食個蟹子沙律清新一下，青瓜絲好清甜，加埋卜卜脆嘅蟹子，口感豐富，健康又好食，就算之前食左好多煎炸野都無咁有罪惡感!黎到除左可以食拉麵之外，小食都好好食，好值得推介黎食~

小胖好鍾意食日本菜，特别係麵類，但因為疫情，小胖無法飛去我的最愛日本，好彩香港的日本餐廳多到你唔信😆呢日小胖突然好想食所以午餐就去埋咗間日本料理😆佢的食物選擇超多，好多都好想食,但小胖只有一個胃🤦不過幸運的係佢好多都以套餐形式選擇，所以最少可以食到2種食物，佢的松梅竹菊套餐超有趣，你可以自由配搭你自己的餐。因爲小胖去食的時候係午餐時間，所以小胖就選擇了午餐套餐，就沒有選擇松梅竹菊套餐，小胖和友人分别選擇了滑蛋自家製吉列豬扒飯和炸雞肉手打烏冬。佢的餐量都頗大，細食的人有機會食唔曬😆佢的滑蛋自家製吉列豬扒飯有配茶碗蒸， 麵豉湯，元貝邊肉沙律，佢的茶碗蒸蒸得幾滑，唔會過老，味道甜甜的😆 佢的滑蛋真係好滑，加配甜甜的汁，真係好配飯，而佢的吉列豬扒因有汁液，所以變得甜和唔會過乾。佢的炸雞肉手打烏冬好食，推，佢的炸雞肉很大塊，又厚，啖啖肉，唔會只食到炸粉，而且咬落去肉汁仲鎖係入面，配埋酥脆的外表，真心好食，佢大塊得黎份量亦唔少！佢的手打烏冬味道不錯，而且頗彈牙，重點係佢沒有那些質量沒有很好才會出現的烏冬酸味，小胖食烏冬最怕食到酸味，佢沒有！！小胖今次無食到拉麵，下次要再去食😏佢的座位都闊落，坐得幾

天氣好熱, 室內活動比較適合我呢啲怕熱既, 好好享受冷氣唔駛焗到暈! 媽媽話好耐無食過拉麵, 正好喺超市買完日用品出門口就有間拉麵店, 正好! 有二人前餐, 唔駛煩, 啱晒! 套餐包括2款主食 & 3款小食! 我哋點選 “元拉麵” + “滑蛋吉列豬扒飯”, 小食就燒鯖魚 + 串燒拼盤 + 燒牛舌, $258 抵! 燒牛舌 ~ 薄切, 唔靱, 燒得夠焦香! 串燒拼盤 ~ 4款, 包括: 雞軟骨、香菇、雞肉棒、雞翼! 串燒有焦香味, 有肉汁唔會好乾! 燒鯖魚 ~ 外皮超香脆, 鯖魚肉質一般比較結實, 肉唔霉, 大大一條, 好抵食! 元拉麵 ~ 叉燒好大一塊, 肉質幼滑! 麵爽口彈牙, 湯味濃但唔會過咸, 有大量芽菜, 海帶, 蔥及荀做佐料, 滿足! 滑蛋吉列豬扒飯 ~ 好欣賞! 真滑蛋, 飯亦夠軟熟, 配上醬汁都唔會過濕, 洋蔥及菇有加分之效! 豬扒厚實, 炸漿夠薄, 大讚!落單後才發現有個鮑魚叉燒拉麵,  唯有留待下一次吧!