甜館

營業中

休息中

話說最近成日去馬鞍山而住係馬鞍山既朋友成日介紹一D食野既好去處俾我。首先去到食甜品既地方要排隊就預左, 最後排左30分鐘。舖頭既裝修還算別緻, 但的確有點兒細, 難怪要等咁耐。我地分別叫左1.什果紅豆椰汁底黑白涼粉2.什果西瓜西米露3.魔鬼三重奏。我就係食魔鬼三重奏既, 所以其他我都俾唔到咩食評, 朋友就話無咩特別, 味如其名, 從個名就大概可以諗到個味WOR。好, 咁講番個魔鬼三重奏。我個人黎講係勁鍾意食朱古力味既野, 所以真係岩晒我。咁三重奏就係心太軟, 朱古力雪糕同朱古力奶凍。心太軟既話入面既漿係流到出黎既, 合格, 比較甜。雪糕既話平時食心太軟舊雪糕都係溶溶地, 但佢地果個好硬好冰, 桔落去有硬度, 食落去亦因為太冰而食唔出太朱古力味。奶凍既話淡淡既朱古力味的確係幾夾個心太軟, 三種唔同甜度以及口感既朱古力我諗係原意, 但真係差在個雪糕做得唔夠好, 有待改善。