Godiva Chocolatier (已搬遷) 新店位置

呢間既朱古力飲品出哂名係好好飲，今日終於有機會試下啦。一去到就諗下飲咩味，原味朱古力定牛奶朱古力。諗下諗，都係飲原味，因為原味既朱古力會好飲。一落左單等左差唔多五分鐘，見個店員將朱古力粉加冰再加埋朱古力，之後放入攪拌機攪拌，美味既朱古力飲品就完成啦。雖然真左幾耐，但見店員咁俾心機整，等耐都值得既。原味朱古力飲品呢杯野好似一件精美既藝術品，做得好靚加埋上面cream，簡直係一流。我飲落去，覺得有沙冰溝埋落飲品到，但又唔會將原本既朱古力味溝淡。呢個現象係由飲第一啖直至最後一啖既。朱古力味好夠濃，杯野又唔算太甜。試過呢次，我好肯定會有下次，因為陣朱古力味好夠濃之餘，又夠結實。我覺得一分錢一分貨係對既。以朱古力飲品係好飲過星巴克既。下次試下牛奶朱古力飲品。