媽咪雞蛋仔 (已搬遷) 新店位置

已經食過好多間媽咪雞蛋仔分店，但依家先知旺角原來都有行過魚蛋舖見雞蛋仔就想食，朋友就即刻捉我黎，原來就係一品後一條街，下次排一品時可以買個食住等。每次黎到都會諗一輪食咩味好，實在太多選擇，不過，最終都會係揀朱古力味雞蛋仔。朱古力雞蛋仔 $25 外脆內軟，唔會得個脆殼，有蛋香味，而每粒都會食到朱古力係入面，仲要朱古力係溶溶地咁，但又未溶到比雞蛋仔吸哂，相當好味，媽咪雞蛋仔嘅好味之處就係咁，樣樣野都整得剛剛好。