影片
更多
2009-01-12
20 瀏覽
11-1-2009Chocolate buffet 後飽到神情呆滯, 正打算 skip dinner 之際, 阿爸阿媽咁0岩提議 dinner 0黎呢度食素, 又跟埋0黎試試. 由佢0地叫0野食, 我就懶到 menu 都懶得睇, 淨係求其食少少0野及係咁影相 先0黎一味叫「海龍王」唔知乜, 係燴素蝦 + 素魷魚 + 素桂花蚌 + 素翅 + 幾條菜心的一「鑊」0野... 咁多樣以菜心及素翅最好食, 素翅咬口十足, 菜心就十分嫩, 清甜又腍身; 假海鮮就不論口感及味道都好似日式魚蛋, 哈哈.再0黎腐竹 + 竹笙 + 冬菇 + 菜心 + 玉子豆腐的一大碟0野, 又係唔知乜名堂... 呢碟的菜心無咁嫩, 食落無咁甜又幾硬; 腐竹就好硬; 冬菇幾香, 不過未搣「定」, 印象麻麻; 玉子豆腐就好香口, 似乎炸過再煮的?仲有一碟炒飯 -- 落了欖菜一齊炒, 鑊氣十足, 熱辣辣, 粒粒乾身無油, 食落香口惹味又唔油唔膩, 不錯. 可惜 chocolate buffet 仲未落格啦, 如果唔係我相信可以食兩碗! 環境乾淨, 不過檯檯椅椅密密麻麻, 加上 ventilation 幾差, 實在好焗,
Chocolate buffet 後飽到神情呆滯, 正打算 skip dinner 之際, 阿爸阿媽咁0岩提議 dinner 0黎呢度食素, 又跟埋0黎試試. 由佢0地叫0野食, 我就懶到 menu 都懶得睇, 淨係求其食少少0野及係咁影相
先0黎一味叫「海龍王」唔知乜, 係燴素蝦 + 素魷魚 + 素桂花蚌 + 素翅 + 幾條菜心的一「鑊」0野... 咁多樣以菜心及素翅最好食, 素翅咬口十足, 菜心就十分嫩, 清甜又腍身; 假海鮮就不論口感及味道都好似日式魚蛋, 哈哈.
再0黎腐竹 + 竹笙 + 冬菇 + 菜心 + 玉子豆腐的一大碟0野, 又係唔知乜名堂... 呢碟的菜心無咁嫩, 食落無咁甜又幾硬; 腐竹就好硬; 冬菇幾香, 不過未搣「定」, 印象麻麻; 玉子豆腐就好香口, 似乎炸過再煮的?
仲有一碟炒飯 -- 落了欖菜一齊炒, 鑊氣十足, 熱辣辣, 粒粒乾身無油, 食落香口惹味又唔油唔膩, 不錯. 可惜 chocolate buffet 仲未落格啦, 如果唔係我相信可以食兩碗!
環境乾淨, 不過檯檯椅椅密密麻麻, 加上 ventilation 幾差, 實在好焗, 愈坐愈頭暈; 招呼不過不失.
唔知幾錢埋單, 雖然每樣食物只試了少少, 但印象不錯, 可以一試.
張貼
