La Maison du Chocolat (已搬遷) 新店位置

朱古力⋯全部都係朱古力⋯如果你中意食朱古力，咁你就有口福了！如果你有選擇困難，咁就唔使再煩了～因爲無論你揀咩草莓味又好，焦糖味又好⋯到最後，都係朱古力味！馬卡龍嘅顏色選擇唔多，所以𥄫睛度唔高，口味選擇亦比較少，雀躍度也明顯受影響而降低。最終都揀左六款唔同嘅口味，餅面製作唔夠平滑，好明顯嘅凹凸餅面，美觀感已打折扣。餅嘅口感比較實，鬆化度明顯欠奉，食唔出味道上有什麼明顯差別⋯朱古力⋯全部都係朱古力⋯沒有驚喜，只有一口又一口嘅失望。而且朱古力質感唔算幼滑，幸好唔算太甜，但會易膩⋯敗北。質素偏低，但價錢卻偏貴，究竟憑什麼？唔好意思，實在唔太識得欣賞。但一次足夠，下不為例了。員工唔夠細心，服務態度一般。