影片
更多
2005-09-13
14 瀏覽
9-9-2005 2000某一日在公司食完飯後捉波子棋時，其中一位同事又話黎Happy Friday Dinner，上個月月中去了銖記(食評遲少少會出)，今次就本來打算去越華會，但係時間只可選擇2130，咁鬼遲都餓屎啦，話事人傷緊腦筋時，我話不如去港大校友會啦，跟住佢就二話不說的贊成，好彩有位，同埋只須訂鹽焗雞。上到去後，大家都按公平原則點了一道菜，當晚的菜式如下：杏汁白肺湯：果然出色，杏汁在熱的環境下仍然有香味，豬肺洗得乾淨兼冇異味，是係我心目中最好飲的湯頭一位；炒生魚卷：經過走油的生魚沒有散開夾上來時沒有走樣，底部的菜心本身也很鮮綠兼冇渣，值得一試；咕嚕肉：有點似肉片，但還未去到，甜酸度適中，也是叫得過的菜式；南乳粗齋：好似返左屋企整既一樣，味道不鹹亦有南乳香味，坐我隔離的同事乜野叫粗齋，我只係答好平民化及賤的材料煮成，最常見食既時候是年初一，前一晚年三十晚大魚大肉後清清腸胃，最佳送物便是粥；鹽焗雞：有點介乎豉油雞及炸子雞之間，奇怪，但係都做得出色，唔肥亦唔瘦，側邊還有雞什一齊，也是值得推介；椒鹽鮮魷：有點似街邊檔唔硬版本，可以既話不叫亦冇損失；陳皮牛肉餅：比起蓮香樓好好多，起碼唔
某一日在公司食完飯後捉波子棋時，其中一位同事又話黎Happy Friday Dinner，上個月月中去了銖記(食評遲少少會出)，今次就本來打算去越華會，但係時間只可選擇2130，咁鬼遲都餓屎啦，話事人傷緊腦筋時，我話不如去港大校友會啦，跟住佢就二話不說的贊成，好彩有位，同埋只須訂鹽焗雞。
上到去後，大家都按公平原則點了一道菜，當晚的菜式如下：
杏汁白肺湯：果然出色，杏汁在熱的環境下仍然有香味，豬肺洗得乾淨兼冇異味，是係我心目中最好飲的湯頭一位；
炒生魚卷：經過走油的生魚沒有散開夾上來時沒有走樣，底部的菜心本身也很鮮綠兼冇渣，值得一試；
咕嚕肉：有點似肉片，但還未去到，甜酸度適中，也是叫得過的菜式；
南乳粗齋：好似返左屋企整既一樣，味道不鹹亦有南乳香味，坐我隔離的同事乜野叫粗齋，我只係答好平民化及賤的材料煮成，最常見食既時候是年初一，前一晚年三十晚大魚大肉後清清腸胃，最佳送物便是粥；
鹽焗雞：有點介乎豉油雞及炸子雞之間，奇怪，但係都做得出色，唔肥亦唔瘦，側邊還有雞什一齊，也是值得推介；
椒鹽鮮魷：有點似街邊檔唔硬版本，可以既話不叫亦冇損失；
陳皮牛肉餅：比起蓮香樓好好多，起碼唔會似山竹牛肉，陳皮味亦剛剛好，送飯一流；
埋單每位106蚊，唔算平，但係一次好好的家庭菜式experience，加埋couple既紅白酒，大家既情緒有點高漲，同位女同事一齊一口氣飲了一杯白酒，對大家來講或者不外如是，但係都感覺到有的料到(都係飲得之人，唔好諗錯)。我選這裡的另一個主要原因係冇緣去openrice 港大校友會既gathering，希望之前/之後可以一試，這樣的情況似乎越來越頻密，或者成為將來的習慣。
張貼
