旺角海鮮菜館

營業中

休息中

海鮮館喺旺角波鞋街後邊，近旺角東火車mtr站。由地鐵站行過去數分鐘就到。餐館唔算大，大約有六至七張枱，蓋上紅色枱布，更顯裝修古色古香。牆上好似有不同藝人簽過名打卡。餐牌果然有好多海鮮，有二人餐四人餐選擇。頭盤小食係白灼魷魚，韭菜花。份量大概豉油碟咁大。杏汁菜膽豬肺湯，用個燉盅呈上，湯底奶白色，好足料。招牌油浸虎杉班，炸至金黃色，份量夠二人食。魚肉幾滑嘟，果然係新鮮魚。豉油王炒麵都算有鑊氣，香口唔太鹹。