龍德樓 (已結業)

喺勝利道入完油見到有車位就唸住泊左架車先再搵食，咁啱停正喺廳門口，就衝左入去😝，而且天氣涼咗就揀的煲仔飯小菜食下。🔻蝦醬豬頸肉飯$68🔻正🤩，豬頸肉食落爽口但係唔會爆油👍🏻，食落係減少咗平時肥豬肉嘅油膩感😋，加埋蝦醬，直頭係正😆。豆卜充滿蝦醬味，但係唔會過鹹，剛好同煲仔飯醬油好夾😍。‼️‼️的確豬頸肉比平時嘅肥豬肉好食😋，推介大家一試‼️‼️🔻鹹魚肉餅飯$78🔻平時嘅鹹魚係放喺個肉餅面，依個鹹魚係插左半件咗落去肉餅同啲飯裏面🤨，唔知係咪因為咁，就算唔食件鹹魚，啲飯都有鹹魚嘅香味😍，係幾特別。肉餅軟綿但唔鬆散😙，未落醬油都好夠味，當然加埋醬油會再好食啲啦😎煲仔飯套餐加咗兩個湯，一個係🔻花旗參燉雞湯+$28🔻燉湯都清澈，少油👍🏻，仲有少少湯渣，有雞有瘦肉👍🏻，而且都幾好食 ，參味幾濃，同肉味相衡，唔錯。另一個湯係🔻杏汁菜膽燉白肺湯+$28🔻杏汁好香濃🥰，仲有豬肺有豬肉同菜膽，真係好有誠意，湯味濃郁🤤，有杏汁味又有少許嘅肉味😋。🔻海鮮粉絲什菜煲$98🔻啲海鮮幾新鮮，唔係雪藏嘅👍🏻，魷魚🦑同鮮蝦🦐食落爽口，真係有鮮味，仲有啲蝦乾調味，咸味🧂唔重幾好👍🏻。蔬菜粉絲同海鮮嘅比例幾好，好似一半菜一半海鮮咁🤩